"بٷگٸنگٸ تاڭدا وتاندىق بانكتەردٸڭ قۇرىلىس سالاسىنا قارجى قۇيۋعا دەگەن قۇلشىنىسى بەسەڭ. ەسٸرەسە ەلٸمٸزدە قۇرىلىس قارقىن العان 2010-2014 جىلدارمەن سالىستىرعاندا قازاقستان باكتەرٸنٸڭ قۇرىلىسقا قارجى سالۋ قارقىنى قۋانتارلىق ەمەس. دەگەنمەن ٶتكەن 2015 جىلعا قاراعاندا بيىلعى كٶرسەتكٸش تىم جامان ەمەس دەۋگە بولادى. بٸر جىلدا 18 پايىزعا قايتا ٶرلەپ وتىر", – دەپ جازادى BAQ.kz تٸلشٸسٸ.
Finprom.kz اگەنتتٸگٸ تاراتقان مەلٸمەت بويىنشا, ٶتكەن جىلى قۇلدىراعان قارجىلاندىرۋدى قايتا قالپىنا كەلتٸرۋ كٶزدەلگەن. دەگەنمەن بۇل بٸر جىلدىڭ ٸشٸندە قارقىن الىپ كەتە العان جوق. ناقتىراق ايتساق 2015 جىلدىڭ تامىزىنان باستاپ, 2016 جىلدىڭ ماۋسىم ايىنا دەيٸن قۇرىلىس سالاسىنا كرەديت بٶلۋ 1 ترلن تەڭگەدەن اسپادى.
وعان سەبەپ بولعان بٸر جايت بانكتەر تاراپىنان قازاقستان ەكونميكاسىن قارجىلاندىرۋ بويىنشا بارلىق سالاعا بٶلٸنگەن قارجىنىڭ 8 پايىزى عانا وسى قۇرىلىس سالاسىنا جۇمسالعان.
قازاقستانداعى قۇرىلىس جۇمىسىمەن اينالىساتىن كومپانييالاردىڭ كٶبٸ شەتەلدٸك ينۆەستورلار دەۋگە بولادى. بۇل دا وتاندىق باكتەردٸڭ قۇرىلىس سالاسىنا قارجى اۋدارۋىنا از دا بولسا ٶز ەسەرٸن تيگٸزبەي قويمايدى. دەگەنمەن ولار بٸر جىل ٸشٸندە قۇرىلىس جۇمىستارىن 72 ملرد تەڭگەدەن 279 ملرد تەڭگەگە دەيٸن ارتتىرا الدى. مۇنان بٶلەك, جەكە قۇرىلىس كومپانييالار 758 ملرد تەڭگە تابىس ەكەلسە, ول ٶتكەن جىلمەن سالىستىرعاندا 34 ملرد تەڭگەگە كٶپ. وسى ورايدا, مەملەكەتتٸك قۇرىلىس كومپانييالارىنىڭ تابىسى بٸر جىلدا 2 ملرد تەڭگەگە قۇلاعانىن بايقاۋعا بولادى. ناقتىراق مەملەكەتتٸك كومپانييالاردىڭ قۇرىلىس سالاسىنداعى قارجىسى بٸر جىلدا 6 ملرد تەڭگەدەن 4 ملرد تەڭگەگە دەيٸن قىسقارعان.
2007-2009 جىلدارداعى جاپپاي قۇرىلىس سالاسىن نەسيەلەندٸرۋ, كٶپ ۇزاماي-اق قۇرىلىس سالاسىن داعدارىسقا تٸرەدٸ. بۇل بانكتەر ٷشٸن دە تيٸمسٸز ەدٸ. شامادان تىس قارجى سالىنعان قۇرىلىستارعا ەلدەگٸ ەكونوميكالىق اقۋالدىڭ ەسەرٸنەن سۇرانىس ازايدى. بانكتەر بۇل سالاعا سالعان كرەديتتەرٸن ٶندٸرٸپ الا الماي قالدى. وسىنى ەسكەرە وتىرىپ سوڭعى بٸرنەشە جىلدا نەسيەلەندٸرۋدٸ تٶمەندەتتٸ. ولاي دەيتٸنٸمٸز ۇزاق مەرزٸمدٸ نەسيەلەندٸرۋدە جۇمىس ٸستەمەيتٸن قارىزدار 2015 جىلدىڭ ماۋسىم ايىنان 2016 جىلدىڭ ناۋرىز ايىنا دەيٸن 7 پايىزدى قۇراسا, 2016 جىلدىڭ ەكٸنشٸ توقسانىندا بۇل كٶرسەتكٸش 11 پايىزعا ارتتى. ياعني, بانكتەردٸڭ اقشاسى اقشا رەتٸندەگٸ اينالىمدىق قۇنىن جوعالتىپ, ٶتپەيتٸن قۇرىلىستارعا اينالدى. بۇل دا بانكتەردٸڭ قۇرىلىس سالاسىن قارجىلاندىرۋىنا كەرٸ ەسەرٸن تيگٸزدٸ. ونىڭ سىرتىندا جالعان قۇرىلىس كومپانييالارىنا قاتىستى الاياقتىق ەرەكەتتەر دە بۇل سالاعا قارجى اۋدارۋ مەسەلەسٸندە تٷيتكٸل تۋدىردى.
گرافيكتەر Finprom.kz اگەنتتٸگٸنە تيەسٸلٸ.
