رەسمي دەرەككە سەيكەس, 21-25 قىركٷيەك كٷندەرٸ ارالىعىندا باتىس قازاقستان وبلىسىنا 16 898 رەسەي ازاماتى كەلگەن. رەسەيلٸكتەردٸڭ ٷدەرە كٶشۋٸنەن ورالدا جالعا بەرٸلەتٸن پەتەر قالماعان. العاشقى كٷندەرٸ قالاداعى Cinema Park كينوتەاترى ولاردى ەكٸ كٷن ٶز عيماراتىندا پانالاتتى. سونداي-اق رەسەيلٸكتەردٸ "اتامەكەن" بالالار لاگەرٸنٸڭ ايماعىنا ورنالاستىرۋ تۋرالى شەشٸم قابىلدانعانى دا بەلگٸلٸ بولدى. بۇل جٶنٸندە Stan.kz اقپارات اگەنتتٸگٸ موي گورود باسىلىمىنا سٸلتەمە جاساپ حابارلايدى.
عيمارات 200 ادامعا ەسەپتەلگەن, بٸراق العاشقى تٷنٸ-اق 240 شەتەلدٸك قونىستانعان. ولاردىڭ كٶپشٸلٸگٸ ەسكەر جاسىنداعى ەر ادامدار, ارالارىندا بالالى ەيەلدەر دە بار. كٷنكٶرٸس قۇنى - كٷنٸنە ەكٸ مىڭ تەڭگە. بۇل تٶلەمگە تاماق اقىسى كٸرمەيدٸ.
37 جاستاعى الەكساندر – ۆورونەج قالاسىنىڭ تۇرعىنى. ول ورالعا ساراتوۆ ارقىلى ٶتكەن. ٶزٸنٸڭ ايتۋىنشا, قازاقستانعا العاش رەت كەلگەن جەنە مۇندا ونىڭ تۋىستارى دا, دوستارى دا جوق. وتانىندا اتا-اناسى مەن بارلىق مٷلكٸ قالعان. ەر ادام – تٷندە بالالار لاگەرٸنە قونىستانعانداردىڭ بٸرٸ.
"ەۋەلٸ وزينكيگە جەتٸپ, 12 شاقىرىم كەزەككە تۇرىپ, شەكاراعا دەيٸن جاياۋ جٷرٸپ كەلدٸك, سوسىن بەكەتتە تۇرعاندارمەن كەلٸستٸك. بٸز بۇل ٷشٸن 15 مىڭ رۋبل تٶلەدٸك. ورالعا كٸرگەننەن كەيٸن ەرٸكتٸلەر شاقىرعان ۆوكزال اۋماعىنا كەلدٸك. ولار بٸزدٸ ورنالاستىرىپ, تاماقتاندىرىپ, جاتىن ورىن تاۋىپ بەردٸ. بارلىعى كەرەمەت بولدى, بەرٸنە العىس ايتقىم كەلەدٸ. قازٸر پەتەر جالداۋعا بولاتىن جەردٸ ٸزدەپ جٷرمٸز, بٸراق تابۋىمىز قيىن, سەبەبٸ ورالدا بارلىق جەر لىق تولى. ورالدا قالۋىمىز ەكٸتالاي, اقتٶبەنٸ نەمەسە استانانى بەتكە الامىز. بٸراق بٸر بايلامعا ەلٸ كەلمەدٸك, بٸز كەلٸسە الماي جاتىرمىز, باعالارى بٸزدٸڭ ويىمىزشا, تىم جوعارى", – دەيدٸ الەكساندر.
ونىڭ سٶزٸنشە, ۋكراينادا بولىپ جاتقان سوعىس كەزەڭٸندە ەلدە داعدارىس پايدا بولعان, سونىمەن قاتار ول ەشقاشان قولىنا قارۋ ۇستاپ كٶرمەگەن ازاماتتاردى جاپپاي جۇمىلدىرۋدى قاتە شەشٸم دەپ سانايدى.
"بٸزدٸ ول جاقتا ناعىز ٶلٸمنٸڭ قارسى الدىنا ايداپ سالادى, مەنٸڭ ولاي ەتكٸم كەلمەيدٸ", – دەپ تٷيٸندەدٸ ازامات.
ال دميتريي ەيەلٸ مەن قىزىن ۆورونەجدە قالدىرىپ كەتكەن, ەر ادام ولاردى كەيٸنٸرەك الىپ كەتۋدٸ جوسپارلاپ وتىر.
"بٸزگە ەشكٸم شابۋىل جاساعان جوق, سول سەبەپتٸ وتاندى قورعاۋ تۋرالى سٶز بولۋى اقىلعا سىيمايدى. نە بولىپ جاتقانى, نە ٷشٸن باراتىنىمىز (سوعىسقا) نەمەسە كٸم ٷشٸن باراتىنىمىز تٷسٸنٸكسٸز. ۆورونەج – شەكارالاس قالا, قازٸر ول جەردە بومبادان قورعاناتىن ورىندار دايىندالىپ جاتىر. ەرينە, قاۋٸپ بار, تۋىستارىمدى مٸندەتتٸ تٷردە الىپ كەتەمٸن. قازاقستان ەڭ جاقىن ەل, مۇندا جەتۋ وڭاي. وسى جەردە قالۋدى كٶزدەيمٸز, تۇرۋ ٷشٸن رۇقسات قاعازىن الامىز دەپ ٷمٸتتەنەمٸز. ماماندىعىم - پروگرامميست, باسشىلىق قازاقستاندا فيليال اشۋدى جوسپارلاپ وتىر, جۇمىسسىز قالمايمىن دەپ ٷمٸتتەنەمٸن", – دەيدٸ دميتريي.
الەكسەي التى جاسار ۇلىمەن ۋفادان كەلٸپ, شەكارانى ەلەك ارقىلى كەسٸپ ٶتكەن. رەسەيدەگٸ ٷيٸندە ەيەلٸ مەن كەنجە ۇلى قالعان. ازامات ورالدا ۋاقىتشا تۇراقتايدى, ول استاناعا پويىزعا بيلەت الىپ قويعانىن ايتىپ, كەيٸن گەرمانيياعا كەتۋدٸ جوسپارلاپ وتىرعانىن جەتكٸزدٸ.
"جەرگٸلٸكتٸ ەرٸكتٸلەر بٸزگە كٶمەكتەسٸپ جاتىر, بٸراق شەكارادا ەرٸكتٸلەردٸ قاسىمىزعا جولاتپايتىن تاكسي جٷرگٸزۋشٸلەرٸ بار, ٶزدەرٸ قىزمەتتەرٸ ٷشٸن 24 000 تەڭگە سۇرادى. ورالدا العاشقى كٷندٸ مەشٸتتە ٶتكٸزدٸك, پەتەر جالداعىمىز كەلدٸ, بٸراق ولار كٷنٸنە 10 مىڭ رۋبلگە دەيٸن (85 مىڭ تەڭگە شاماسىندا – رەد.) سۇرادى. مۇنىڭ بەرٸ ازداپ قىنجىلتادى, ٶيتكەنٸ بٸز مەرەكەگە كەلگەن جوقپىز, سوعىستان قاشىپ جاتىرمىز عوي. بٸز ۋكراينداردى ٶلتٸرگٸمٸز كەلمەيدٸ, ٶزٸمٸزدٸڭ دە ٶلگٸمٸز كەلمەيدٸ", – دەپ تٷسٸندٸردٸ الەكسەي.
"اتامەكەن" بالالار لاگەرٸنٸڭ ەكٸمشٸلٸگٸ رەسەيلٸكتەردٸڭ كەلٸپ جاتقانىن, الايدا بوس ورىنداردىڭ جوق ەكەنٸن اشىپ ايتتى. لاگەردٸڭ ٷش مەزگٸل قولايلى باعامەن تاماق بەرەتٸن اسحاناسى بار. كەشەندٸ تٷسكٸ استىڭ باعاسى, مىسالى ٷشٸن 1000 تەڭگە.
"بٸز كەلگەندەردٸڭ بارلىعىن ورنالاستىرۋعا تىرىسىپ جاتىرمىز. كەيبٸر كەتكەن ادامداردىڭ ورنىنا باسقا ادامداردى الامىز. قولدارىنداعى بار قۇجاتتارمەن تٸركەيمٸز. مۇندا ولاردى كٶشٸ-قون پوليتسيياسى بەكٸتەدٸ. تۇرۋ اقىسىن تەڭگەمەن دە, رۋبلمەن دە قابىلداي بەرەمٸز", – دەدٸ عيماراتتىڭ ەكٸمدٸك ٶكٸلٸ تٸلەك قۋانىشكەرەەۆ.
ەرٸكتٸلەر رەسەيلٸكتەردٸڭ قونىستانۋىنا كٶمەكتەسەدٸ, مٷمكٸندٸگٸنشە شەكارادا شەتەلدٸكتەردٸ قارسى الىپ, ورالعا دەيٸن تەگٸن اپارادى.
"ازىق-تٷلٸكتەردٸ ەرتٷرلٸ كومپانييالار الىپ كەلەدٸ, ال قاراپايىم ادامدار تاماق ەكەلەدٸ. بٸر جٸگٸت ٷشٸنشٸ كٷنٸ پالاۋ پٸسٸرٸپ, ونى شەكاراعا اپارىپ, شەتەلدٸكتەرگە ىستىق تاماق ۇسىنىپ جٷر. كەلگەندەردٸڭ باسىم كٶپشٸلٸگٸ ەڭ بٸرٸنشٸ ۇيىقتاپ, جىلىنعىسى كەلەدٸ. كٶپشٸلٸگٸ ۋاقىتشا كەلگەندەر, ارالارىندا تۇراقتاپ قالعىسى كەلەتٸندەر دە بار. بٸز سەيكەس باعا بويىنشا باسپانا ٸزدەي وتىرىپ, پەتەرلەردٸڭ باعاسىن ٷنەمٸ قاداعالاپ وتىرامىز", – دەپ قوستى ەرٸكتٸ تاتيانا كەلاسكينا.
ال "ورالداعى ورىستارعا كٶمەك" Telegram-ارناسىنداعى جازبالارعا قاراعاندا, كٶرشٸ مەملەكەتتٸڭ تۇرعىندارى قالاعا ەلٸ دە بولسا كٶپتەپ كەلٸپ جاتىر. شەكارادان ٶتكٸسٸ كەلەتٸندەر تەۋلٸك بويى كەزەكتە تۇرادى. بقو اۋماعىندا التى باقىلاۋ-ٶتكٸزۋ بەكەتٸ بولسا, وبلىس بٸردەن رەسەي فەدەراتسيياسىنىڭ بەس وبلىسىمەن شەكتەسەتٸنٸن ايتا كەتەيٸك.
