مامىر ايىنىڭ 19-ىنان 20-سىنا قاراعان تٷن – قادٸر تٷنٸ. بۇل تۋرالى ورتالىق كوممۋنيكاتسييالار قىزمەتٸ الاڭىندا ٶتكەن بيىلعى رامازان ايىنا قاتىستى مەلٸمەتتەر بويىنشا باسپاسٶز كونفەرەنتسيياسىندا ايتىلدى, دەپ حابارلايدى "ۇلت اقپارات".
«بۇرىن حالقىمىز پٸتٸر ساداقاسىن مەشٸتكە كەلٸپ بەرٸپ, قۇران وقىپ, باتا الاتىن. ٶكٸنٸشكە قاراي, بيىل بٸز ولاي جاساي المايمىز. سوندىقتان بٸز ەزٸرەت سۇلتان مەشٸتٸندە ەر 15 مينۋت سايىن قۇران وقىپ, باتا جاسايتىن بولامىز. ونلاين رەجيمگە قوسىلىپ, قول جايىپ, دۇعاعا تٸلەكشٸ بولۋلارىڭىزعا بولادى», - دەيدٸ قمدب تٶراعاسى, باس مٷفتي ناۋرىزباي قاجى تاعانۇلى.
ول بيىل رامازان ايى 24 سەۋٸردە باستالاتىنىن ايتتى.
«مامىر ايىنىڭ 19-ىنان 20-سىنا قاراعان تٷن – قادٸر تٷنٸ. 24 مامىردا ورازا ايت نامازىن وقيمىز. جاراتقان جاببار يەمٸز ورازا ايتتى جاماعاتپەن مەشٸتتە وقۋدى جازعاي. رامازان – جاقسىلىقتا جارىساتىن اي. اۋىز بەكٸتكەن جاندارعا ازىق-تٷلٸك جەتكٸزٸپ بەرسەڭٸز دە, اۋىز اشتىرعاننىڭ ساۋابىن الاسىز. تٸپتٸ, كٶمەككە مۇقتاج وتباسىلارعا اۋىزاشارعا كەتەتٸن شىعىندى بەرٸپ, قارجىلاي كٶمەك كٶرسەتسەڭٸز دە, مول ساۋاپقا كەنەلەسٸز. وسى رەتتە بارشا وتانداستارىمدى كٶمەككە مۇقتاج جاندارعا جان-جاقتى قولداۋ كٶرسەتۋگە, ەلٸمٸزدەگٸ مەشٸتتەر ارقىلى اۋىزى بەرٸك وتانداستارىمىزعا اۋىزاشار تاراتۋعا شاقىرامىن», - دەيدٸ ول.
