Mamyr aiynyń 19-ynan 20-syna qaraǵan tún – Qadir túni. Bul týraly Ortalyq kommýnikatsiialar qyzmeti alańynda ótken biylǵy Ramazan aiyna qatysty málimetter boiynsha baspasóz konferentsiiasynda aityldy, dep habarlaidy "Ult aqparat".
«Buryn halqymyz pitir sadaqasyn meshitke kelip berip, Quran oqyp, bata alatyn. Ókinishke qarai, biyl biz olai jasai almaimyz. Sondyqtan biz Áziret sultan meshitinde ár 15 minýt saiyn Quran oqyp, bata jasaityn bolamyz. Onlain rejimge qosylyp, qol jaiyp, duǵaǵa tilekshi bolýlaryńyzǵa bolady», - deidi QMDB Tóraǵasy, Bas múfti Naýryzbai qajy Taǵanuly.
Ol biyl Ramazan aiy 24 sáýirde bastalatynyn aitty.
«Mamyr aiynyń 19-ynan 20-syna qaraǵan tún – Qadir túni. 24 mamyrda Oraza ait namazyn oqimyz. Jaratqan Jabbar iemiz Oraza aitty jamaǵatpen meshitte oqýdy jazǵai. Ramazan – jaqsylyqta jarysatyn ai. Aýyz bekitken jandarǵa azyq-túlik jetkizip berseńiz de, aýyz ashtyrǵannyń saýabyn alasyz. Tipti, kómekke muqtaj otbasylarǵa aýyzasharǵa ketetin shyǵyndy berip, qarjylai kómek kórsetseńiz de, mol saýapqa kenelesiz. Osy rette barsha otandastarymdy kómekke muqtaj jandarǵa jan-jaqty qoldaý kórsetýge, elimizdegi meshitter arqyly aýyzy berik otandastarymyzǵa aýyzashar taratýǵa shaqyramyn», - deidi ol.
