«وتانداستار قورى» كەاق ۆيتسە-پرەزيدەنتٸ ماعاۋييا سارباسوۆ قىتايدان زاڭسىز ٶتكەن قاستەر مۇساحانۇلى, مۇراگەر ەلٸمۇلىنا جەنە قايشا اقان ٸسٸ قالاي شەشٸلٸپ جاتقانىن تٷسٸندٸردٸ, دەپ حابارلايدى قازاقپارات.
«قاستەر مۇساحانۇلىنا, مۇراگەر ەلٸمۇلىنا جەنە قايشا اقانعا قازاقستان رەسپۋبليكاسىنىڭ ازاماتتىعى بەرٸلمەيتٸن بولدى. ولاردى ەندٸ قىتايعا قايتارا ما? جالپى وسىنداي مەسەلەلەر قالاي رەتتەلەدٸ?», - دەگەن سۇراق قويىلدى ورتالىق كوممۋنيكاتسييالار قىزمەتٸندە سارباسوۆقا.
«مەن ناقتى ايتا الامىن, بۇل ازاماتتاردى قىتايعا قايتارۋ مەسەلەسٸ مٷلدەم قارالىپ جاتقان جوق. سەبەبٸ بۇل باۋىرلارىمىز «بوسقىن» مەرتەبەسٸن العان ەدٸ. بوسقىن مەرتەبەسٸن الىپ, قازٸر جۇمىس ٸستەۋگە, تۇرۋعا قۇقىلى. بٸراق دەگەنمەن, ولار مەملەكەتتٸك شەكارانى بۇزعانى ٷشٸن جاۋاپقا تارتىلعان بولاتىن. ولار تەك مەملەكەتتٸك شەكارانى بۇزعانى ٷشٸن بٸر جىلعا جازالاندى. قازٸر بوسقىن مەرتەبەسٸنە يە. كەلەسٸ جىلدان باستاپ, حالىقارالىق تەجٸريبەگە سەيكەس تيٸستٸ ٶزگەرٸستەر ٸشكٸ ٸستەر مينيسترلٸگٸندە ٶزگەرٸستەر قارالىپ جاتىر. ەركٸن جٷرٸپ-تۇرۋىنا, ەلدەن شىعىپ نەمەسە قايتىپ كٸرۋٸنە جاعداي جاسالادى. بٸراق كەلەسٸ جىلى, قازٸر مۇنىڭ بارلىعى پىسىقتالىپ جاتىر», - دەپ تٷسٸندٸردٸ «وتانداستار» قورىنىڭ ٶكٸلٸ.
