شىعىس قازاقستان وبلىستىق پۋشكين اتىنداعى كٸتاپحانادا ٶسكەمەندٸك جازۋشى ەرٸ ٶلكەتانۋشى بوريس ششەرباكوۆتىڭ «جيدەبايدىڭ جۇلدىزدى دالاسى» - «زۆيوزدنايا ستەپ جيدەبايا» اتتى كٸتابى جارىققا شىقتى. ٶلكەتانۋشىنىڭ تىڭ تۋىندىسى قازاق جەنە ورىس تٸلٸندە وقىرمانعا جول تارتتى, دەپ حابارلايدى "ۇلت اقپارات".
ٶلكەتانۋشى كٸتاپتى جازۋ ٷشٸن اباي اۋدانىنداعى ۇلى اقىننىڭ تۋعان جەرٸن ارالاپ, «اباي-شەكەرٸم» مەموريالدىق كەشەنٸن بٸرنەشە جىل بويى زەرتتەگەن. قازاقتىڭ ۇلى تۇلعاسى دٷنيەگە كەلگەن مەكەن ەۋرازييا كەڭٸستٸگٸنٸڭ تۋرا ورتاسى - كٸندٸك نٷكتەسٸ ەكەنٸ بەلگٸلٸ. جاس كەزٸنەن شىعىستىڭ شىرايلى مەكەنٸن ارمانسىز ارالاعان بوريس ششەرباكوۆتىڭ تۋىندىسىنىڭ تۇساۋكەسەرٸنە بٸرقاتار زييالى قاۋىم ٶكٸلدەرٸ قاتىستى.
بوريس ششەرباكوۆتى جەرلەستەرٸ بيولوگييا عىلىمدارىنىڭ دوكتورى, قازاقستان رەسپۋبليكاسىنىڭ جازۋشىلار وداعىنىڭ مٷشەسٸ, شىعىس قازاقستان وبلىسى ەكٸمٸنٸڭ ارنايى سىيلىعىنىڭ لاۋرەاتى, بٸلگٸر ورنيتولوگ رەتٸندە تانيدى. كٸتاپ جازۋمەن بٸرگە ورنيتولوگ ٶڭٸردٸڭ اڭ-قۇستارىنىڭ احۋالى مەسەلەسٸن جيٸ كٶتەرٸپ, قوعامدىق جۇمىستارعا بەلسەنە ارالاسىپ جٷر.
«وسى تۋىندىنى جازۋدا كٶپ ەڭبەكتەندٸم. نەلٸكتەن اباي تۋرالى جازۋدى ۇيعاردىم?.. ۇلى اقىننىڭ ۇلىلىعىن سٶزبەن جەتكٸزۋ مٷمكٸن ەمەس. سول سەبەپتٸ, ابايدىڭ جٷرٸپ ٶتكەن جولدارىن, ونىڭ ٶلمەس تۋىندى جازعان ٶڭٸردٸڭ قاسيەتٸن وقىرمانعا سەزدٸرە بٸلۋگە تىرىستىم», - دەيدٸ بوريس ششەرباكوۆ.
اۆتور ٶز كٸتابىندا جالعىز اقىننىڭ عانا ٶمٸرٸنە توقتالىپ قالماي, قازاق اتىن ەلەمگە پاش ەتكەن, وسى ٶڭٸردٸڭ تۋمالارى تۋرالى دا جازىپ ٶتكەن. كٸتاپتىڭ ەر تاراۋى اباي قۇنانبايۇلىنىڭ ٶمٸرٸ تۋرالى كەرەمەت سىر شەرتٸپ, جيداباي ٶڭٸرٸنٸڭ قاسيەتتٸ مەكەن ەكەنٸن پاش ەتە تٷسەدٸ.
«بوريس ششەرباكوۆ اباي تۋرالى تۋىندى جازا وتىرىپ, ۇلى اقىننىڭ ٶمٸرٸن زەرتتەۋدە تىڭنان تٷرەن سالا بٸلدٸ. ٶز باسىم جازۋشىنىڭ اباي جايلى كٸتاپ جازۋعا جىلدار بويى وقتالىپ جٷرگەنٸن بٸلەتٸن ەدٸم. ۇلى دالاعا دەگەن شەكسٸز ماحاببات جازۋشىنى وسى تۋىندىنى دٷنيەگە ەكەلۋگە جەتەلەدٸ», - دەيدٸ بيبليوگراف جاننا ساقپانوۆا.
