ٶسكەمەندە ەرتٸستٸڭ ٷستٸنەن سالىنىپ جاتقان كٶپٸردٸڭ ەكٸنشٸ بٶلٸگٸ ٸسكە قوسىلدى كەشە. جاڭا قۇرىلىس نىسانىنىڭ قولدانىسقا بەرٸلەر سەتٸن تاعاتسىزدانا كٷتكەن كٶپشٸلٸك ٷشٸن بۇل جاعىمدى جاڭالىق بولدى.
ەستەرٸڭٸزگە سالساق, ەرتٸستٸڭ وڭ جەنە سول جاعالاۋىن جالعاعان كٶپٸر قۇرىلىسى باستالعان كەزدە بەلگٸلٸ بٸر مەرزٸمگە كٶلٸكتەردٸڭ ارىلى-بەرٸلٸ قاتىناسى توقتاتىلۋى تيٸس ەدٸ. الايدا, بۇل جاعداي قالا تۇرعىندارى مەن قوناقتارىنا قولايسىزدىق تۋعىزاتىنىن ەسكەرگەن وبلىس ەكٸمٸ دانيال احمەتوۆ مەردٸگەر كومپانيياعا قوزعالىستى توقتاتپاۋعا پەرمەن بەردٸ. سونىڭ ارقاسىندا قۇرىلىس جۇمىستارىمەن بٸرگە ەكٸ باعىتتا دا مەشينەلەر اعىلىپ جٷرٸپ جاتتى.
– كٶپٸرگە جاڭا مەتالل كونسترۋكتسييالاردى ورناتىپ بەكٸتۋ, قوزعالىس اۋماعىن ۇلعايتۋ جۇمىستارى 2014 جىلدىڭ ماۋسىمىندا باستالعان. جۇمىس 2016 جىلى اياقتالادى دەپ جوسپارلانعان بولاتىن. الايدا, كەيبٸر قارجىلىق مەسەلەلەرگە بايلانىستى نىساندى ٸسكە قوسۋ مەرزٸمٸ سەل شەگەرٸلدٸ. دەگەنمەن, ٶتكەلدٸڭ بٸرٸنشٸ بٶلٸگٸ بىلتىر ٸسكە قوسىلسا, ەكٸنشٸ بٶلٸگٸ بيىلعى قاراشانىڭ 4-ٸ كٷنٸ اشىلدى. ەندٸگٸ جۇمىس ورتادا تۇرعان ەسكٸ كٶپٸردٸ بۇزىپ, ول جەرگە جاڭادان تٸرەۋلەر قويىلادى. سودان كەيٸن 2017 جىلدىڭ كٶكتەمٸندە كٶپٸردٸڭ ەكٸ بٶلٸگٸ بٸرٸكتٸرٸلٸپ, قۇرىلىس تولىق اياقتالادى, – دەيدٸ ٶسكەمەن قالالىق تٷكش, جولاۋشىلار كٶلٸگٸ جەنە اۆتوموبيل جولدارى بٶلٸمٸنٸڭ باسشىسى اسقار جاقسىلىقوۆ.
بٶلٸم باسشىسىنىڭ ايتۋىنشا, كەشەدەن باستاپ ونداعى قوزعالىس ٶزگەرگەن. ايتالىق, وڭ جاعالاۋعا باعىت العان كٶلٸكتەر كٶپٸردٸڭ وڭ جاعىمەن, ياعني, سوڭىنان ٸسكە قوسىلعان بٶلٸگٸمەن جٷرسە, سول جاعالاۋعا بارعىسى كەلەتٸندەر بۇرىنعىداي قاتىناي بەرەدٸ.
سەرٸك قۇمارعاليۇلى, "ديدار" گازەتٸ
