ۆيدەو كادرى
اپەللياتسييالىق سوت ٶسكەمەندە قىزدى ۇردى دەپ ايىپتالۋشىلارعا ٷكٸمدٸ ٶزگەرٸسسٸز قالدىردى, - دەپ حابارلايدى Tengrinews.kz سايتى.
بيىل ناۋرىزدا ٶسكەمەندە بولعان وقيعا ٷلكەن قوعامدىق رەزونانس تۋدىردى. ويىن-ساۋىق ورتالىعىندا كەمەلەتكە تولماعان قىزدى قاتٸگەزدٸكپەن ۇرىپ-سوققان ۆيدەو جەلٸگە سەۋٸردە عانا شىققان ەدٸ.
قىزدىڭ ەجەتحانادا قاتىگەزدٸكپەن سوققىعا جىعىلعان سەتٸن سول جەردە بولعان قىزداردىڭ بٸرٸ ۆيدەوعا تٷسٸرٸپ العان. دەرەكتٸ شىعىس قازاقستان وبلىسىنىڭ پوليتسييا دەپارتامەنتٸ راستاپ, تەكسەرۋ جٷرگٸزٸلگەنٸن حابارلادى, نەتيجەسٸندە ۇرىپ-سوعۋ دەرەگٸ قر قك-نىڭ 293-بابى 2-بٶلٸگٸ بويىنشا تٸركەلدٸ.
زارداپ شەككەن قىز بۇعان دەيٸن بٸرنەشە رەت سوققىعا جىعىلىپ, بوپسالاۋ قۇربانى بولعانى بٸرنەشە ايعا سوزىلعان تەرگەۋ نەتيجەسٸندە انىقتالعان. قىزدان ۆيدەونى جەلٸگە تاراتامىز دەپ قورقىتىپ, بوپسالاۋ ارقىلى 50 مىڭ تەڭگە العان. جەبٸرلەنۋشٸنٸڭ تۋىستارى قر قك-نٸڭ 293-بابى, 2-بٶلٸگٸ بويىنشا عانا ٸس قوزعالۋىنا قارسىلىقتارىن بٸلدٸردٸ.
"نەگە بٸلٸم باسقارماسى بوپسالاۋ, وعان قوسا ۇرلىق بولعانىن ايتپايدى? بٸز ٸستٸ "بۇزاقىلىق" بابى بويىنشا عانا ەمەس, سونىمەن قاتار "بوپسالاۋ" جەنە "ۇرلىق" باپتارى بويىنشا دا جٷرگٸزۋدٸ تالاپ ەتەمٸز. بٸز قىلمىسكەرلەردٸ زاڭ بويىنشا جازالاۋ ٷشٸن ٸستٸ سوتقا جەتكٸزگٸمٸز كەلەدٸ. وسى ٸس بويىنشا بٸر عانا قىزدىڭ اناسى ٶتكەن ايدا قوڭىراۋ شالىپ, كەشٸرٸم سۇرادى", – دەدٸ جەبٸرلەنۋشٸنٸڭ ەپكەسٸ توقجان دوسىموۆا.
بۇل ٸس بويىنشا سوتتالۋشى ٷش ادام بار. ٷكٸم شٸلدەدە شىقتى.
"سوت ٸستٸڭ مەن-جايىن جەنە سوتتالۋشىلاردىڭ جەكە باسىن, جەبٸرلەنۋشٸلەردٸڭ پٸكٸرٸن, قۇقىققا قايشى ەرەكەتتەردٸڭ سيپاتىن, زالالدىڭ ٶتەلمەۋٸن ەسكەرە وتىرىپ, ا. جەنە ت. جازانى قك-نٸڭ 293-بابى 2-بٶلٸگٸ 1-تارماعى بويىنشا بٸر جىلعا باس بوستاندىعىن شەكتەۋدٸ, قك-نٸڭ 194-بابى 2-بٶلٸگٸ 1, 2-تارماقتارى بويىنشا ٷش جىل مەرزٸمگە باس بوستاندىعىنان ايىرۋدى تاعايىندادى. تٷپكٸلٸكتٸ شەشٸم جاۋاپتىلاردى ٷش جىلعا باس بوستاندىعىنان ايىرۋ. و. - بٸر جىل باس بوستاندىعىن شەكتەلدٸ", - دەلٸنگەن سوت حابارلاماسىندا.
ٸس بويىنشا مورالدىق زيياندى ٶتەۋ ماقساتىندا جەبٸرلەنۋشٸنٸڭ پايداسىنا 9 ميلليون تەڭگە سوماسى تاعايىندالدى.
ايتا كەتەيٸك, سوتتالعانداردىڭ تاراپىنان اتا-انالارى اپەللياتسيياعا ٶتٸنٸش بەرٸپ, 14 تامىزدا اپەللياتسييالىق سوت ٷكٸمدٸ كٷشٸندە قالدىرۋ تۋرالى شەشٸم شىعاردى.
"سوت اپەللياتسييالىق شاعىمدى مۇقييات زەرتتەپ, سوتتالعانداردىڭ كٸنەسٸ دەلەلدەندٸ دەگەن قورىتىندىعا كەلدٸ", - دەپ تٷسٸندٸردٸ وبلىستىق سوتتىڭ قىلمىستىق ٸستەر جٶنٸندەگٸ سوت كوميسسيياسىنىڭ تٶراعاسى ەدٸل باكين.
الايدا, باسقا دا سۇمدىق مەلٸمەتتەر بار. جەبٸرلەنۋشٸ قىزدىڭ اناسى سوت پروتسەسٸنە قاتىسۋشىلاردىڭ بٸرٸ كەمەلەتكە تولماعان بالانى قورلاۋ ٷشٸن كامەرا ورناتىپ, پەتەر دايىندالعانىن ايتقان.
سونداي-اق, جەبٸرلەنۋشٸنٸڭ تۋىستارى مەن ادۆوكاتىنىڭ ايتۋىنشا, جانجالدىڭ باسقا دا, شامامەن 11 قاتىسۋشىسى جازادان سىتىلىپ شىققان. قىزعا قورلىق كٶرسەتۋدە ولاردىڭ دا قاتىسى بار دەگەن بولجام بار. ولاردىڭ اراسىندا كەمەلەتكە تولماعان بالالار بار بولعاندىقتان, جاۋاپقا تارتىلماعان.
