ٶسكەمەندە 15 جاستاعى قىز الماتىعا قاشىپ كەتكەن, دەپ حابارلايدى قازاقپارات.
قالالىق پوليتسييا باسقارماسى باسپاسٶز قىزمەتٸنٸڭ مەلٸمەتٸنشە, پوليتسيياعا جٷگٸنگەن ەيەل ادام كەمەلەتكە تولماعان قىزىن تاۋىپ بەرۋدٸ سۇراعان. ونىڭ ايتۋىنشا, 15 جاستاعى وكسانا 27 ماۋسىمدا ساعات 07.00-دە ٷيدەن شىعىپ, جوعالىپ كەتكەن.
«اناسى قىزىنىڭ ەلەۋمەتتٸك جەلٸ ارقىلى بٸر جٸگٸتپەن تانىسىپ, الماتى قالاسىنا قاشىپ كەتكەنٸنە سەنٸمدٸ بولعان. تەلەفونىنا قوڭىراۋ شالعانىندا ول ٷيگە قايتۋعا ٷزٸلدٸ-كەسٸلدٸ باس تارتقان. پوليتسييا قىزمەتكەرلەرٸ كەمەلەتكە تولماعان قىزدى تابۋ ٷشٸن ٸزدەستٸرۋ شارالارىن قولعا الدى», - دەدٸ باسقارما باستىعى اندرەي مۋلا.
تەرتٸپ ساقشىلارى 8-سىنىپ وقۋشىسىنىڭ شامامەن ورنالاسقان جەرٸن انىقتاعاننان كەيٸن الماتى قالاسىنا جولعا شىقتى. ٸزدەۋگە كەمەلەتكە تولماعاندار ٸسٸ جٶنٸندەگٸ ۋچاسكەلٸك ينسپەكتور قايرات ٶتەپباەۆ پەن كريمينالدىق پوليتسييا بٶلٸمٸنٸڭ جەدەل ۋەكٸلٸ نۇرتاس بولاتوۆ اتتانعان.
«انىقتالعان مەكەنجايعا كەلگەندە وكسانا جوق بولىپ شىقتى. ولار بۇل ٷيدٸ جالعا العان ەكەن. قانداي دا بٸر اقپارات الۋ ٷشٸن سول ماڭداعى بارلىق ادامداردان جوعالعان قىز تۋرالى سۇراپ شىقتىق. كٶرشٸلەردٸڭ ايتۋىنشا, جاسٶسپٸرٸم قىز تٷركسٸب اۋدانىنا كەتكەن», - دەدٸ قايرات ٶتەپباەۆ.
ونىڭ ايتۋىنشا, باستى مٸندەت – كەمەلەتكە تولماعان بالانى تەز تاۋىپ, اناسىنا قايتارۋ بولدى. سول ٷشٸن پوليتسەيلەر بار كٷش-جٸگەرٸن جۇمساعان. ٶيتكەنٸ قىز ٷيٸنەن تىم الىستا بەيتانىس ادامدارمەن جٷرگەن.
«ەيتەۋٸر, وكسانانى ايالدامالاردىڭ بٸرٸنەن تاپتىق. قىز ەلەۋمەتتٸك جەلٸدەگٸ جٸگٸت تۋرالى ەشتەڭە ايتپادى. جاي عانا الماتىدا ٶمٸر سٷرگٸسٸ كەلگەندٸگٸن العا تارتتى. الايدا اناسى قارسى بولعاندىقتان قاشىپ كەتۋگە مەجبٷر بولعانىن جەتكٸزدٸ», - دەدٸ تەرتٸپ ساقشىسى.
پوليتسييا قىزمەتكەرلەرٸ وسى وقيعاعا وراي تەكسەرۋ جۇمىستارىن جالعاستىرماق.
