فوتو: Tengrinews.kz
ٶسكەمەندە تاماقتىڭ حيمييالىق كٷيٸگٸن رەسمي دياگنوز دەپ تانۋ ۇسىنىلدى, - دەپ حابارلايدى Tengrinews.kz تٸلشٸسٸ "استانا" تەلەارناسىنا سٸلتەمە جاساپ.
تەلەارنا مەلٸمەتٸنشە, بۇل باستامانى وبلىستىق سىبايلاس جەمقورلىققا قارسى كٷرەس ۇيىمى كٶتەرگەن. دەپارتامەنت باسشىسى دەنيس شەكەنوۆ سىبايلاس جەمقورلىق تەۋەكەلدەرٸنٸڭ كارتاسىن جاساۋ بارىسىندا ٶڭٸردٸڭ باستى مەسەلەسٸ ەكولوگييا ەكەنٸ انىقتالعانىن ايتادى.
شەكەنوۆتٸڭ ايتۋىنشا, زەرتتەۋ جۇمىستارى كەسٸپورىنداردىڭ ەسكٸرگەن جابدىقتاردى پايدالاناتىنىن, تازالاۋ جٷيەسٸنٸڭ تيٸمسٸز ەكەنٸن كٶرسەتكەن. كەلەتٸن جانارمايدىڭ ساپاسىنا دا شاعىم كٶپ. تۇرعىنداردىڭ ٷنەمٸ كٶتەرٸپ جٷرگەن باستى مەسەلەسٸ - اتموسفەراعا شىعارىندىلارعا تٸكەلەي قاتىستى مەديتسينالىق دياگنوزدىڭ جوقتىعى.
"دەنساۋلىق ساقتاۋ مينيسترلٸگٸ تيٸستٸ ەم تاعايىنداۋ ٷشٸن "تاماقتىڭ حيمييالىق كٷيٸگٸ" دەگەن رەسمي دياگنوز قويۋى كەرەك. ٶيتكەنٸ قازٸرگٸ تاڭدا تاماعىن كٷيٸك شالعان ادامدار جرۆي-مەن ەمدەلٸپ جاتىر", - دەدٸ دەنيس شەكەنوۆ.
ٶسكەمەن تۇرعىندارى بۇل اۋرۋدى ەمدەۋ ۇزاققا سوزىلماۋى ٷشٸن دەرەۋ دۇرىس ەم تاعايىنداۋ ماڭىزدى دەپ سانايدى, ٶيتكەنٸ قالادا تاماقتىڭ حيمييالىق كٷيٸگٸنەن زارداپ شەككەندەر كٶپ.
