ٶسكەمەن قالاسىندا ٶرت شىققان كٶپقاباتتى ٷيدەن 30 ادام, ونىڭ ٸشٸندە 14 بالا قاۋٸپسٸز جەرگە شىعارىلدى, دەپ حابارلايدى قازاقپارات.
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, كٶكجال باراق كٶشەسٸندەگٸ كٶپقاباتتى ٷيدٸڭ بٸرٸنشٸ قاباتىنداعى پەتەردە ٶرت شىقتى. وقيعا ورنىنا قۇتقارۋشىلار شۇعىل كەلگەندە پودەز ٸشٸن كٶك تٷتٸن تۇمشالاعان.
«ولار بٸردەن 30 تۇرعىنعا, ونىڭ ٸشٸندە 14 بالاعا وتتەگٸ ماسكاسىن كيگٸزٸپ, اۆتوساتى ارقىلى قۇتقاردى. ٶرتتٸ سٶندٸرۋگە 30 ادام مەن 8 تەحنيكا جۇمىلدىرىلعان. الدىن الا مەلٸمەت بويىنشا قىزىل جالىننىڭ شىعۋىنا – بالالاردىڭ وتپەن ويناۋى سەبەپ بولدى», - دەلٸنگەن اقپاراتتا.
سونداي-اق پروتوزانوۆ كٶشەسٸندەگٸ كٶپقاباتتى ٷي تۇرعىندار 9-قاباتتاعى پەتەردەن شىققان تٷتٸندٸ بايقاعان. ولار دەرەۋ «101» قىزمەتٸنە حابارلاستى. وقيعا ورنىنا كەلگەن ٶرت سٶندٸرۋشٸلەر سول پەتەرگە كٸرگەندە جانىپ جاتقان جيھازدى كٶرگەن.
«ٸشتە ەشكٸم بولماي شىقتى. قاۋٸپسٸزدٸك ماقساتىندا ٶرت سٶندٸرۋشٸلەر التى ادامدى ەۆاكۋاتسييالاپ, «ۆاحتا» اۆتوكٶلٸگٸنە ورنالاستىردى. كٶپ ۇزاماي جالپى اۋدانى 6 شارشى مەترگە جەتكەن تٸلسٸز جاۋ تولىقتاي اۋىزدىقتالدى», - دەلٸنگەن حابارلامادا.
