ٶسكەمەن قالاسىنىڭ ەكٸ تۇرعىنى وتقا ورانعان ٷيدەن 3 ادامدى قۇتقاردى, دەپ حابارلايدى "ۇلت اقپارات".
6 سەۋٸر كٷنٸ ساعات 15.12-دە پوپوۆ كٶشەسٸندەگٸ جەر ٷيدە ٶرت شىققان. مونشانىڭ اعاش قۇرىلىمدارى, ٷيگە جالعانىپ سالىنعان قورا-قوپسى مەن ٷيدٸڭ شاتىرى جانعان. ٶرت سٶندٸرۋشٸلەر كەلگەنشە وقيعا ورنىندا بولعان شاھار تۇرعىندارى الەكساندر سترابىكين مەن الەكساندر كۋزنەتسوۆ قىزىل جالىن لاۋلاعان ٷيدەن ەكٸ ەيەل مەن 8 جاسار بالانى تەرەزە ارقىلى سىرتقا الىپ شىقتى.
«بەيبٸت كٷننٸڭ باتىرلارى تٷتٸن مەن وتتى بايقاعاپ قالعاننان كەيٸن بٸردەن كٶمەككە ۇمتىلعان. 3 ادامدى قۇتقارىپ, ٷي ٸشٸندەگٸ گاز باللونىن شىعارعان. №7 ٶرت سٶندٸرۋ بٶلٸمٸنٸڭ قىزمەتكەرلەرٸ 80 شارشى مەتر اۋماقتى شارپىعان ٶرتتٸ سٶندٸردٸ», - دەپ حابارلادى قالالىق تٶتەنشە جاعدايلار باسقارماسىنىڭ باسپاسٶز قىزمەتٸنەن.
الەكساندر سترابىكين اۆتوماليار بولىپ جۇمىس ٸستەيدٸ, ال ونىڭ دوسى الەكساندر كۋزنەتسوۆ «نپك گەرات ۋك» جشس-دا ٶندٸرٸس باسشىسى.
«ەكەۋٸ سىن ساعاتتا ٶزدەرٸنٸڭ ەمەس, ٶزگەنٸڭ ٶمٸرٸن ويلاپ, ەرلٸك جاسادى. ولاردى قۇتقارۋ ٷشٸن باتىل ەرەكەتكە باردى», - دەلٸنگەن ۆەدومستۆو مەلٸمەتٸندە.
