Óskemen qalasynyń eki turǵyny otqa oranǵan úiden 3 adamdy qutqardy, dep habarlaidy "Ult aqparat".
6 sáýir kúni saǵat 15.12-de Popov kóshesindegi jer úide órt shyqqan. Monshanyń aǵash qurylymdary, úige jalǵanyp salynǵan qora-qopsy men úidiń shatyry janǵan. Órt sóndirýshiler kelgenshe oqiǵa ornynda bolǵan shahar turǵyndary Aleksandr Strabykin men Aleksandr Kýznetsov qyzyl jalyn laýlaǵan úiden eki áiel men 8 jasar balany tereze arqyly syrtqa alyp shyqty.
«Beibit kúnniń batyrlary tútin men otty baiqaǵap qalǵannan keiin birden kómekke umtylǵan. 3 adamdy qutqaryp, úi ishindegi gaz ballonyn shyǵarǵan. №7 órt sóndirý bóliminiń qyzmetkerleri 80 sharshy metr aýmaqty sharpyǵan órtti sóndirdi», - dep habarlady qalalyq Tótenshe jaǵdailar basqarmasynyń baspasóz qyzmetinen.
Aleksandr Strabykin avtomaliar bolyp jumys isteidi, al onyń dosy Aleksandr Kýznetsov «NPK Gerat ÝK» JShS-da óndiris basshysy.
«Ekeýi syn saǵatta ózderiniń emes, ózgeniń ómirin oilap, erlik jasady. Olardy qutqarý úshin batyl áreketke bardy», - delingen vedomstvo málimetinde.
