ٶسكەمەندە ايۋ اتقان 51 جاستاعى براكونەر ۇستالدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, تەرتٸپ ساقشىلارى ٶڭٸر اۋماعىندا تابيعات قورعاۋ زاڭناماسىن بۇزۋ فاكتٸلەرٸن انىقتاۋ جەنە جولىن كەسۋ ماقساتىندا «براكونەر» جەدەل الدىن الۋ شاراسىن جٷرگٸزۋدە.
شارا بارىسىندا پوليتسييا قىزمەتكەرلەرٸ تارحانكا اۋىلىنىڭ ماڭىندا مىلتىقپەن ايۋ اتىپ ٶلتٸرگەن ٶسكەمەن قالاسىنىڭ 51 جاستاعى تۇرعىنىن ۇستادى. ەتتٸ ٶزٸنە قالدىرعان ك.دٸكتٸ ايۋدىڭ تابانىن ساتىپ جٸبەرمەك بولعان.
«اتالعان فاكتٸ بويىنشا قر قك-نٸڭ 337-بابىنا (زاڭسىز اڭ اۋلاۋ) سەيكەس سوتقا دەيٸنگٸ تەرگەۋ امالدارى باستالدى. قازٸرگٸ ۋاقىتتا مەملەكەتكە كەلتٸرٸلگەن شىعىن مٶلشەرٸ انىقتالۋدا. كٷدٸكتٸ 3 جىلعا دەيٸنگٸ مەرزٸمگە باس بوستاندىعىنان ايىرىلۋى مٷمكٸن», - دەدٸ وبلىستىق پد باستىعى ساعات مەديەۆ.
جەدەل الدىن الۋ شاراسى باستالعالى بەرٸ بارلىعى 360-تان استام رەيد ٶتكٸزٸلٸپ, تابيعات قورعاۋ زاڭناماسىن بۇزۋدىڭ 605 فاكتٸسٸ تٸركەلدٸ. سونىمەن قاتار 10 براكونەر ۇستالىپ, ولارعا قاتىستى قىلمىستىق ٸس قوزعالدى.a
