Óskemende aiý atqan 51 jastaǵy brakoner ustaldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, tártip saqshylary óńir aýmaǵynda tabiǵat qorǵaý zańnamasyn buzý faktilerin anyqtaý jáne jolyn kesý maqsatynda «Brakoner» jedel aldyn alý sharasyn júrgizýde.
Shara barysynda politsiia qyzmetkerleri Tarhanka aýylynyń mańynda myltyqpen aiý atyp óltirgen Óskemen qalasynyń 51 jastaǵy turǵynyn ustady. Etti ózine qaldyrǵan k.dikti aiýdyń tabanyn satyp jibermek bolǵan.
«Atalǵan fakti boiynsha QR QK-niń 337-babyna (Zańsyz ań aýlaý) sáikes sotqa deiingi tergeý amaldary bastaldy. Qazirgi ýaqytta memleketke keltirilgen shyǵyn mólsheri anyqtalýda. Kúdikti 3 jylǵa deiingi merzimge bas bostandyǵynan aiyrylýy múmkin», - dedi oblystyq PD bastyǵy Saǵat Mádiev.
Jedel aldyn alý sharasy bastalǵaly beri barlyǵy 360-tan astam reid ótkizilip, tabiǵat qorǵaý zańnamasyn buzýdyń 605 faktisi tirkeldi. Sonymen qatar 10 brakoner ustalyp, olarǵa qatysty qylmystyq is qozǵaldy.a
