ٶسكەمەندٸك سكۋلپتوردىڭ ۇلى ەكەسٸنەن قالعان ابايدىڭ بيۋستٸن ساۋداعا شىعاردى, دەپ حابارلايدى قازاقپارات تٸلشٸسٸ.
تانىمال ساۋدا سايتىنا شىققان حابارلاندىرۋدا ميحاەليستٸڭ كەۋدەدەن جوعارى كەسٸلگەن مٷسٸنٸ, سونداي-اق ابايدىڭ بيۋستٸ دە بار.
سايت قولدانۋشىلارى مٷسٸننٸڭ وسىدان 4 جىل بۇرىن ميحاەليس كٶشەسٸ مەن اباي داڭعىلىنىڭ قيىلىسىندا تۇرعان ەسكەرتكٸشتٸڭ بٶلشەگٸ ەكەنٸن بٸردەن تانىدى.
حابارلاندىرۋدىڭ يەسٸ اتىشۋلى مٷسٸندٸ جاساعان سكۋلپتور ۆلاديمير سامويلوۆتىڭ ۇلى بولىپ شىقتى. ەسكەرتكٸش اۆتورىنىڭ ٶزٸ 2 جىل بۇرىن ٶمٸردەن ٶتسە كەرەك.
«ەۋەلٸ وبلىستىق مەدەنيەت باسقارماسىنىڭ تاپسىرىسى بويىنشا اباي مەن ميحاەليستٸڭ ەسكەرتكٸش كومپوزيتسيياسىن جاسادىق. ول ەلگە ۇناماي قالىپ, سٷرٸلگەن بولاتىن. ەكٸمدٸك جۇمىستىڭ شىعىنىن قايتارمادى. ٶيتكەنٸ, ەكٸ ارادا جازباشا كەلٸسٸم بولماعان. ودان كەيٸن شەمونايحا اۋدانىنىڭ ەكٸمٸدٸگٸ اباي مەن گرەبەنششيكوۆتىڭ مٷسٸنٸنە تاپسىرىس بەرگەن. ول دا اياقسىز قالىپ, ەكەمنٸڭ ەڭبەگٸ ەش كەتتٸ», - دەيدٸ ۆلاديمير سامويلوۆ.
سكۋلپتوردىڭ ۇلى ابايدىڭ كەۋدەدەن كەسٸلگەن مٷسٸنٸن 300 مىڭ تەڭگەگە باعالاپ وتىر. ايتۋىنشا, قالاداعى مۋزەيلەردٸڭ بٸرٸ حابارلاسىپ, ونى ساتىپ الاتىندارىن ايتقان ەكەن.
«ابايدىڭ مٷسٸنٸن جاساعانى ٷشٸن شەمونايحا ەكٸمدٸگٸ ەكەمە 500 مىڭ تەڭگە بەرۋٸ تيٸس بولعان. ول شارت سوڭىنا دەيٸن جەتپەدٸ. ەندٸ مەن ابايدىڭ بيۋستٸن 300 مىڭ تەڭگەگە ساتۋعا مەجبٷرمٸن. قانداي مۋزەي ەكەنٸ ناقتى ەسٸمدە جوق, جۇما كٷنٸ حابارلاسىپ, وبلىستىق سۋرەتشٸلەر وداعىنان قوڭىراۋ كٷتٸڭٸز دەگەن. سونى كٷتٸپ جٷرمٸن» - دەيدٸ ول.
ال قازاقستان سۋرەتشٸلەر وداعىنىڭ جەرگٸلٸكتٸ فيليالى ەشقانداي مٷسٸن ساتىپ المايتىندارىن ايتتى.
«مٷسٸننٸڭ ساتىلاتىنىن ەستٸگەنبٸز. ماعان مۋزەيدەن ەمەس, جەكە تۇلعا حابارلاستى. ٶنەر جاناشىرى رەتٸندە ابايدىڭ مٷسٸنٸن ساتىپ العىسى كەلەتٸنٸن ايتىپ, اقىل-كەڭەس سۇراعان» - دەيدٸ فيليال ديرەكتورى يانا اگەيكينا.
