ٶسكەمەن قالاسىندا پوليتسييا قىزمەتكەرلەرٸنە قارسىلىق كٶرسەتكەن ەر ادام ۇستالدى, دەپ حابارلايدى "ۇلت اقپارات" قالالىق پوليتسييا باسقارماسىنىڭ باسپاسٶز قىزمەتٸنە سٸلتەمە جاساپ.
ۆەدومستۆودا حابارلاعانداي, 8 اقپانعا قاراعان تٷنٸ ٶسكەمەن قالالىق پوليتسييا باسقارماسىنىڭ پپب پاترۋلدٸك جاساعىنا كٶپقاباتتى ٷيلەردٸڭ بٸرٸندە تىنىشتىقتى بۇزۋ تۋرالى قوڭىراۋ كەلٸپ تٷسكەن.
شاقىرۋ ورنىنا دەرەۋ جەتكەن پاترۋلدٸك پوليتسييا باتالونىنىڭ ينسپەكتورلارى پوليتسييا اعا لەيتەنانتى نۇرجان كاكەەۆ پەن پوليتسييا اعا لەيتەنانتى بەكارىس ابدولدانوۆ الكوگولدٸك ٸشٸمدٸك ٸشكەن ەكٸ ەر ادامنىڭ 9-قاباتتاعى باسپالداقتا بٸر-بٸرٸمەن قاتتى سٶيلەسٸپ تۇرعانىن انىقتاعان.
پوليتسييا قىزمەتكەرلەرٸ ەر ادامدارعا ولاردىڭ تەرتٸپتٸ بۇزىپ جاتقانىن تٷسٸندٸرٸپ, شۋ شىعارماۋىن ٶتٸنگەن. الايدا, ولار پوليتسەيلەردٸڭ سٶزٸن تىڭداماي, داۋلاسا باستاعان. كەيٸن ولاردىڭ بٸرٸ پوليتسييا قىزمەتكەرٸنٸڭ موينىنا پىشاق سۇعىپ, سودان كەيٸن باسپالداقپەن تٶمەن قاراي جٷگٸرٸپ كەتكەن.
پىشاق جاراقاتىن العانىنا قاراماستان, نۇرجان كاكەەۆ تەز ارادا قاشىپ بارا جاتقان تەرتٸپ بۇزۋشىنىڭ ارتىنان جٷگٸرگەن. كٶشەدە جٷگٸرٸپ كەلە جاتقان ەر ادام پوليتسييادان قاشىپ قۇتىلا المايتىنىن تٷسٸنٸپ, پوليتسييا قىزمەتكەرلەرٸنٸڭ الدىندا پىشاق الا باستاعان.
«وسىعان بايلانىستى پوليتسەيلەر ەر ادامنىڭ قولىنداعى پىشاقتى جۇلىپ الۋ ٷشٸن ارنايى «پر» قۇرالىن قولدانعان, اتاپ ايتقاندا, ولار تەرتٸپ بۇزۋشىنىڭ قولىن رەزەڭكە شوقپارمەن ۇرىپ جٸبەرگەن, سول كەزدە ەر ادام پىشاقتى قولىنان تٷسٸرٸپ العان», - دەيدٸ پوليتسييا قىزمەتكەرلەرٸ.
قازٸرگٸ كەزدە ۇستالعان 24 جاستاعى ەر ادام ۋاقىتشا ۇستاۋ يزولياتورىنا قامالدى. وعان قاتىستى قر قك 380-بابىنىڭ 2-تارماعى بويىنشا قىلمىستىق ٸس قوزعالدى.
قازٸرگٸ ۋاقىتتا پوليتسييا اعا لەيتەنانتى نۇرجان كاكەەگەۆ وتا جاسالدى, ونىڭ ٶمٸرٸنە قاۋٸپ تٶنٸپ تۇرعان جوق.
