ٶسكەمەن قالاسىنىڭ ەكٸمٸ جاقسىلىق ومارعا سوت شەشٸمٸن ورىنداماعانى ٷشٸن 159 مىڭ تەڭگە ايىپپۇل سالىندى, دەپ حابارلايدى قازاقپارات.
ٶسكەمەن ەكٸمٸ مەن قالالىق تۇرعىن ٷي-كوممۋنالدىق شارۋاشىلىق بٶلٸمٸنە قاتىستى سوت ٸسٸ وبلىستىق مامانداندىرىلعان اۋدانارالىق ەكٸمشٸلٸك سوتىندا قارالعان. بەلگٸلٸ بولعانداي, ابلاكەتكا كەنتٸنٸڭ تۇرعىندارى قوعامدىق كٶلٸكتٸڭ كەستەگە سەيكەس قاتىنامايتىندىعىنا نارازىلىق بٸلدٸرٸپ, سوت ارقىلى شاعىم تٷسٸردٸ.
«ەكٸمشٸلٸك ٸس تاراپتاردىڭ داۋدى مەدياتسييا تەرتٸبٸمەن رەتتەۋ تۋرالى كەلٸسٸمٸن بەكٸتۋ ارقىلى قارالدى. سول كەلٸسٸمگە سەيكەس جولاۋشىلار تاسىمالىنا قاتىستى مەسەلەلەردٸ شەشۋ ٷشٸن ەكٸمدٸكتٸڭ جاۋاپتى بٶلٸمٸنە بٸرنەشە مٸندەتتەر جٷكتەلدٸ. ال سول مٸندەتتەردٸڭ ورىندالۋىن قالا ەكٸمٸ ٶز باقىلاۋىنا الۋعا تيٸس بولعان», - دەپ حابارلادى سوتتىڭ باسپاسٶز قىزمەتٸ.
ياعني, ەكٸمدٸك 16 ناۋرىزعا دەيٸن اۆتوبۋستاردىڭ ۋاقتىلى قاتىناۋىن قامتاماسىز ەتۋگە تيٸس ەدٸ. الايدا بۇل مٸندەت ورىندالماعان.
«سوندىقتان ەرپك-تٸڭ 127-بابى 5-بٶلٸگٸمەن قالا ەكٸمٸ مەن تۇرعىن ٷي-كوممۋنالدىق شارۋاشىلىق بٶلٸمٸنە 50 اەك نەمەسە 159 000 تەنگە كٶلەمٸندە ايىپپۇل سالىندى. ٷكٸم ەلٸ زاڭدى كٷشٸنە ەنگەن جوق», - دەلٸنگەن اقپاراتتا.
