Óskemen qalasynyń ákimi Jaqsylyq Omarǵa sot sheshimin oryndamaǵany úshin 159 myń teńge aiyppul salyndy, dep habarlaidy QazAqparat.
Óskemen ákimi men qalalyq turǵyn úi-kommýnaldyq sharýashylyq bólimine qatysty sot isi oblystyq mamandandyrylǵan aýdanaralyq ákimshilik sotynda qaralǵan. Belgili bolǵandai, Ablaketka kentiniń turǵyndary qoǵamdyq kóliktiń kestege sáikes qatynamaityndyǵyna narazylyq bildirip, sot arqyly shaǵym túsirdi.
«Ákimshilik is taraptardyń daýdy mediatsiia tártibimen retteý týraly kelisimin bekitý arqyly qaraldy. Sol kelisimge sáikes jolaýshylar tasymalyna qatysty máselelerdi sheshý úshin ákimdiktiń jaýapty bólimine birneshe mindetter júkteldi. Al sol mindetterdiń oryndalýyn qala ákimi óz baqylaýyna alýǵa tiis bolǵan», - dep habarlady sottyń baspasóz qyzmeti.
Iaǵni, ákimdik 16 naýryzǵa deiin avtobýstardyń ýaqtyly qatynaýyn qamtamasyz etýge tiis edi. Alaida bul mindet oryndalmaǵan.
«Sondyqtan ÁRPK-tiń 127-baby 5-bóligimen qala ákimi men turǵyn úi-kommýnaldyq sharýashylyq bólimine 50 AEK nemese 159 000 tenge kóleminde aiyppul salyndy. Úkim áli zańdy kúshine engen joq», - delingen aqparatta.
