فوتو: Inform.kz
الماتى وبلىسى ەكٸمٸنٸڭ بٸرٸنشٸ ورىنباسارى قانات ەسبولاتوۆ تالعار اۋدانىندا ٶتكەن جيىندا مٷمكٸندٸگٸ شەكتەۋلٸ جانداردى كەمسٸتكەن سٶزٸ ٷشٸن حالىقتان كەشٸرٸم سۇرادى, دەپ حابارلايدى Ult.kz.
شەنەۋنٸك جەلٸدەگٸ پاراقشاسىندا كەزدەسۋگە كٶپتەگەن ازاماتتاردىڭ قاتىسىپ, مينيسترگە ماڭىزدى ساۋال قويۋعا ۇمتىلعانىن ايتتى.
"جيىنعا مٷمكٸندٸگٸ شەكتەۋلٸ جاندار دا كەلدٸ. ولار دا مينيسترمەن (اقمارال ەلنازاروۆا) كەزدەسٸپ, كٶكەيدەگٸ مەسەلەسٸن جەتكٸزگٸسٸ كەلدٸ. بٸر ازامات ميكروفونعا جاقىنداعاندا, زالداعى كەيبٸر ادامدار وعان سٶزٸن اياقتاتپاي, شۋ كٶتەرە باستادى.
مەن حالىقتى تىنىشتىققا شاقىرۋ ٷشٸن سٶز الدىم. سول سەتتە ورىس تٸلٸندە ايتقان سٶزٸمدٸ قاتە جەتكٸزدٸم. شىن مەنٸندە, «اللا ٷلكەن سىناق بەردٸ» دەپ ايتقىم كەلگەن.
ٶز سٶزٸمنٸڭ ەلدٸڭ كٶڭٸلٸنە تيٸپ, نامىسىنا تيگەنٸن تٷسٸنەمٸن. وسى ٷشٸن شىن جٷرەكتەن كەشٸرٸم سۇرايمىن", – دەپ جازدى قانات ەسبولاتوۆ.
بۇعان دەيٸن ەلەمجەلٸدە تاراعان ۆيدەودا وبلىس ەكٸمٸنٸڭ ورىنباسارى حالىقتى سابىرعا شاقىرىپ, «مٷگەدەكتەردٸ سىيلايىق, ورىسشا ايتقاندا قۇداي ولاردى ونسىز دا جازالاپ قويعان», – دەگەن بولاتىن.
جەلٸدەگٸ قاۋىم ەلگٸ پٸكٸردٸ دٶرەكٸ ەرٸ نامىسقا تيەتٸن مەلٸمدەمە دەپ ەسەپتەپ, شەندٸنٸ جاۋاپقا تارتۋدى تالاپ ەتتٸ.
جاعدايعا تالعار اۋدانى ەكٸمٸنٸڭ شتاتتان تىس ۋەزٸرٸ مارات جاپاروۆ تا ارالاسىپ, ەسبولاتوۆقا ارا تٷستٸ. ونىڭ ايتۋىنشا, شەندٸنٸڭ بٸرەۋدٸ كەمسٸتٸپ, كەلەمەج قىلاتىن ويى بولماعان.
