Foto: Inform.kz
Almaty oblysy ákiminiń birinshi orynbasary Qanat Esbolatov Talǵar aýdanynda ótken jiynda múmkindigi shekteýli jandardy kemsitken sózi úshin halyqtan keshirim surady, dep habarlaidy Ult.kz.
Sheneýnik jelidegi paraqshasynda kezdesýge kóptegen azamattardyń qatysyp, ministrge mańyzdy saýal qoiýǵa umtylǵanyn aitty.
"Jiynǵa múmkindigi shekteýli jandar da keldi. Olar da ministrmen (Aqmaral Álnazarova) kezdesip, kókeidegi máselesin jetkizgisi keldi. Bir azamat mikrofonǵa jaqyndaǵanda, zaldaǵy keibir adamdar oǵan sózin aiaqtatpai, shý kótere bastady.
Men halyqty tynyshtyqqa shaqyrý úshin sóz aldym. Sol sátte orys tilinde aitqan sózimdi qate jetkizdim. Shyn máninde, «Alla úlken synaq berdi» dep aitqym kelgen.
Óz sózimniń eldiń kóńiline tiip, namysyna tigenin túsinemin. Osy úshin shyn júrekten keshirim suraimyn", – dep jazdy Qanat Esbolatov.
Buǵan deiin álemjelide taraǵan videoda oblys ákiminiń orynbasary halyqty sabyrǵa shaqyryp, «múgedekterdi syilaiyq, oryssha aitqanda Qudai olardy onsyz da jazalap qoiǵan», – degen bolatyn.
Jelidegi qaýym álgi pikirdi dóreki ári namysqa tietin málimdeme dep eseptep, shendini jaýapqa tartýdy talap etti.
Jaǵdaiǵa Talǵar aýdany ákiminiń shtattan tys ýáziri Marat Japarov ta aralasyp, Esbolatovqa ara tústi. Onyń aitýynsha, shendiniń bireýdi kemsitip, kelemej qylatyn oiy bolmaǵan.
