«اشىق ديالوگ» سۇحباتىندا قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ كٶرنەكٸ اقپاراتتىڭ مەملەكەتتٸك تٸلدە جازىلۋىن رەتتەيتٸن زاڭ جوباسى تۋرالى پٸكٸر بٸلدٸردٸ, دەپ حابارلايدى قازاقپارات.
سۇحبات بارىسىندا جٷرگٸزۋشٸ رەسەيدٸڭ كەيبٸر اقپارات قۇرالدارىنىڭ قر پارلامەنتٸ مەجٸلٸسٸنٸڭ دەپۋتاتتارى باستاماسىمەن قولعا الىنعان زاڭ جوباسىنا شٷيلٸگٸپ جاتقانىن ايتىپ, پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارىنان وسى تۋرالى پٸكٸرٸن سۇرادى.
«كەيبٸر رەسەيلٸك باق-تا اتالعان زاڭ جوباسى بٸرجاقتى بەرٸلگەنٸن ايتۋ كەرەك. مەن تٸپتٸ مانيپۋلياتيۆتٸ دەر ەدٸم. مىسالى, كەيبٸر باسىلىمداردىڭ تاقىرىبىندا «قازاقستان ورىس تٸلٸنٸڭ كٶرنەكٸ قولدانىسىنان ارىلىپ جاتىر» دەپ ايتىلعان. ماعىناسىنا قاراساڭ, بٸز ورىس تٸلٸن كٶرنەكٸ جارنامادا قولدانۋعا تىيىم سالاتىن زاڭ قابىلداپ جاتقان سيياقتىمىز. ەڭ رەنٸشتٸسٸ, ادامداردىڭ كٶبٸ وسى قاتە تاقىرىپتان ەرٸ قاراي كٸرٸپ وقىماي, وسى قاتە تاقىرىپ بويىنشا وي تٷيەدٸ. ٸس جٷزٸندە ورىس تٸلٸن ەشكٸم قولدانىستان الىپ جاتقان جوق. بٸز تەك قازاق تٸلٸنٸڭ قولدانىسىن مٸندەتتٸ ەتٸپ جاتىرمىز. كٶرنەكٸ اقپارات ەكٸ نەمەسە ٷش تٸلدە ٸلٸنسە دە ەشقانداي پروبلەما جوق», - دەدٸ دەۋرەن اباەۆ.
سۇحبات بەرۋشٸ دەپۋتاتتاردىڭ مۇنداي باستامانى نەلٸكتەن كٶتەرگەنٸن دە تٷسٸندٸردٸ.
«بٸزدٸڭ دەپۋتاتتار نەگە بۇل مەسەلەگە باس قاتىرعانىن بٸلەسٸز بە? ٶيتكەنٸ كٶرنەكٸ جارنامادا, تٸپتٸ مەيرامحانالاردىڭ مەزٸرٸندە قازاق تٸلٸ نە مٷلدە قولدانىلمايدى, نە قاتە قولدانىلىپ جٷر. قاتە ٶرٸپ جٷرەدٸ. ينتەرنەت اتاۋلار مەن تٸركەستەردٸ قازاقشاعا تٸكەلەي, كالكامەن اۋدارعان مەنسٸز مەتٸندەر تۋرالى «مەمدەرگە» تولىپ كەتتٸ. سوندىقتان زاڭ جوباسىندا دەلمە-دەل اۋدارما جەنە دۇرىس جازۋ نورماسى تۋرالى تالاپ ەنگٸزۋ قاراستىرىلعان», - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
ونىڭ ايتۋىنشا, اتالعان زاڭ جوباسىنىڭ تاعى بٸر قىرى بار.
«بۇل – ەلدٸ مەكەندەردٸڭ اتىن تاريحي نەگٸزگە سٷيەنٸپ دۇرىس جازۋ. مىسالى, «ٷلگٸ اۋىلى» دەگەندٸ ورىس تٸلٸنە اۋدارىپ, «سەلو پريمەرنوە» دەپ اۋدارۋعا كەلمەيدٸ. ودان دا سوراقى ەتٸپ «ۋلگا» دەپ جازۋعا مٷلدە بولمايدى. «ٷلگٸ» دەگەن تٷپنەگٸز ساقتالۋى كەرەك. ال «نوۆوالەكسەەۆكا» دەگەن ەلدٸ مەكەننٸڭ اتى قازاق تٸلٸندە دە «نوۆوالەكسەەۆكا» بولىپ جازىلادى, «جاڭا الەكسەەۆكا» اۋىلى ەمەس. بۇل توپونوميكا مەن تٸلدٸك نورمانى تەرتٸپكە كەلتٸرۋ عانا. قازٸر ورىس تٸلٸنٸڭ كٶرنەكٸ قولدانىسىندا ەشقانداي پروبلەما جوق. ال قازاق تٸلٸندە, ٶكٸنٸشكە قاراي, ونداي پروبلەما بار. بٸز ونى تٷزەتۋٸمٸز كەرەك. مۇنى بٸز مەملەكەتتٸك تٸلدٸڭ قولدانىسىن نەعۇرلىم ساپالى باقىلاۋ ارقىلى ٸسكە اسىرامىز. سوندىقتان ورىسسىزداندىرۋ تۋرالى ەڭگٸمە جوق. بٸز تەك مەملەكەتتٸك تٸلدٸڭ دۇرىس, ساپالى قولدانىسى ٷشٸن, حالىقتىڭ وعان قۇرمەتپەن قاراۋى ٷشٸن كٷرەسٸپ جاتىرمىز», - دەدٸ دەۋرەن اباەۆ.
