الماتىدا ٷش قاباتتى عيماراتتىڭ شاتىرى جانىپ كەتتٸ, دەپ حابارلايدى "ۇلت اقپارات".
جەلٸدە ٶرت تۋرالى بەينەجازبا تاراپ كەتتٸ. كۋەگەرلەر گورنىي گيگانت ايماعىندا كٶلٸك جۋۋ قىزمەتٸن كٶرسەتۋشٸ عيماراتتىڭ ٶرتەنٸپ جاتقانىن حابارلادى.
الماتى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ 25 شٸلدە كٷنٸ ساعات 13:50-دە قۇتقارۋشىلاردىڭ گورنىي گيگانت, احمەديياروۆ كٶشەسٸ, 20 مەكەنجايىنا شىققانىن حابارلادى.
ساعات 13:57-دە كەلگەن تٶتەنشە جاعداي قىزمەتكەرلەرٸ 3 قاباتتى عيماراتتىڭ شاتىرى قاۋلاپ جانعانىن انىقتادى.
«جاقىن ماڭداعى تۇرعىن ٷيلەرگە تارالۋ قاۋپٸ تۋىندادى. دەرەۋ ٶرت سٶندٸرۋٸ وقپاندارى قولدانىلىپ, اۆتوتسيستەرنالار ٶرت گيدرانتتارىنا ورناتىلدى. ٶرت ورنىندا جەدەل شتاب قۇرىلدى. ەنەرگييامەن قامتاماسىز ەتۋ قىزمەتٸ نىساندى توقتان سٶندٸردٸ. قىسقا مەرزٸمدە ٶرتتٸڭ تارالۋ قاۋپٸ توقتاتىلىپ, 25 مينۋت ٸشٸندە ٶرت سٶندٸرٸلدٸ», – دەپ ناقتىلادى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
