Almatyda úsh qabatty ǵimarattyń shatyry janyp ketti, dep habarlaidy "Ult aqparat".
Jelide órt týraly beinejazba tarap ketti. Kýágerler Gornyi gigant aimaǵynda kólik jýý qyzmetin kórsetýshi ǵimarattyń órtenip jatqanyn habarlady.
Almaty tótenshe jaǵdailar departamentiniń baspasóz qyzmeti 25 shilde kúni saǵat 13:50-de qutqarýshylardyń Gornyi gigant, Ahmediiarov kóshesi, 20 mekenjaiyna shyqqanyn habarlady.
Saǵat 13:57-de kelgen tótenshe jaǵdai qyzmetkerleri 3 qabatty ǵimarattyń shatyry qaýlap janǵanyn anyqtady.
«Jaqyn mańdaǵy turǵyn úilerge taralý qaýpi týyndady. Dereý órt sóndirýi oqpandary qoldanylyp, avtotsisternalar órt gidranttaryna ornatyldy. Órt ornynda jedel shtab quryldy. Energiiamen qamtamasyz etý qyzmeti nysandy toqtan sóndirdi. Qysqa merzimde órttiń taralý qaýpi toqtatylyp, 25 minýt ishinde órt sóndirildi», – dep naqtylady tótenshe jaǵdailar departamentiniń baspasóz qyzmeti.
