الماتى وبلىسى كەگەن اۋدانىنداعى تاۋلى اۋماقتان دەنەسٸ ٶرتەنگەن كٷيدە تابىلعان 37 جاستاعى پوليتسييا قىزمەتكەرٸ اسلان ەلسەروۆتٸڭ ٶلٸمٸ قوعامدا ٷلكەن رەزونانس تۋدىردى. قازٸر قىلمىستىق ٸس بويىنشا تەرگەۋ جالعاسىپ جاتىر, دەپ حابارلايدى ult.kz.
بەلگٸلٸ بولعانداي, وسىدان ەكٸ جىل بۇرىن ەلسەروۆتەر وتباسى «قايىرلى تاڭ قازاقستان» باعدارلاماسىنا قاتىسىپ, جەتٸ بالانى تەربيەلەپ وتىرعان ٷلگٸلٸ پوليتسييا جانۇياسى رەتٸندە كٶپشٸلٸككە تانىستىرىلعان ەدٸ. ەرلٸ-زايىپتى ەفيردە تانىسۋ تاريحىن, وتباسىلىق قۇندىلىقتارىن جەنە بالا تەربيەسٸنە قاتىستى ۇستانىمدارىن بٶلٸسكەن بولاتىن.
باعدارلاما بارىسىندا اسلان ەلسەروۆ ٸشكٸ ٸستەر سالاسىنداعى ەڭبەك جولىن 2008 جىلى الماتى قالاسىنىڭ پاترۋلدٸك پوليتسيياسىندا باستاعانىن, ال بولاشاق جارى ارايلىممەن قىزمەت كەزٸندە تانىسقانىن ايتقان. ٶز كەزەگٸندە جۇبايى ونى سابىرلى ەرٸ بايسالدى مٸنەزٸ ٷشٸن تاڭداعانىن جەتكٸزگەن.
وتباسى سپورتتى ٶمٸر سالتىنا اينالدىرعانىن دا جاسىرماعان. اسلان گرەك-ريم كٷرەسٸمەن اينالىسسا, ارايلىم ەلسەروۆا دجيۋ-دجيتسۋدان قازاقستاننىڭ التى دٷركٸن چەمپيونى ەكەنٸن ايتقان. بالالارىنىڭ دا تٷرلٸ سپورت تٷرلەرٸمەن اينالىسىپ, حالىقارالىق جارىستاردا جەتٸستٸككە جەتكەنٸ سٶز بولعان.
الايدا ارادا ەكٸ جىل ٶتكەن سوڭ سىرت كٶزگە ٷلگٸلٸ كٶرٸنگەن وتباسىنىڭ تاعدىرى كٷتپەگەن باعىتقا ٶزگەردٸ. تەرگەۋ مەلٸمەتٸنشە, قىلمىس الماتى قالاسىندا جاسالىپ, كەيٸن مەيٸت الماتى وبلىسىنىڭ كەگەن اۋدانىنداعى تاۋلى جەرگە جەتكٸزٸلگەن بولۋى مٷمكٸن. ٸس بويىنشا مارقۇمنىڭ جۇبايى, كەمەلەتكە تولماعان ۇلى جەنە تاعى بٸرنەشە ادام كٷدٸككە ٸلٸندٸ. كەيٸن جاسٶسپٸرٸم كٷدٸكتٸلەرگە ٷيقاماق تٷرٸندەگٸ بۇلتارتپاۋ شاراسى قولدانىلدى.
وسى ٸسكە قاتىستى اسلان ەلسەروۆپەن بٸرگە قىزمەت ەتكەن بۇرىنعى ەرٸپتەسٸ (اتى ٶزگەرتٸلگەن جٸگەر) ونىڭ كەسٸبي بٸلٸكتٸلٸگٸ جوعارى بولعانىن ايتتى. ونىڭ سٶزٸنشە, ەرٸپتەستەرٸ اراسىندا مارقۇمدى كٶبٸنە «باسار» نەمەسە «سلەپوي» دەپ اتاعان.
«ول پەتەر ۇرلىعى بويىنشا ٸستەردٸ اشۋدا ٶتە تەجٸريبەلٸ مامان ەدٸ. قالاداعى ەڭ مىقتى جەدەل ۋەكٸلدەردٸڭ بٸرٸ سانالاتىن. قىزمەت بارىسىندا بٸرنەشە رەت شابۋىلعا ۇشىراپ, پىشاق جاراقاتىن العان, وق تيگەن, جاق سٷيەگٸ مەن مۇرنى سىنعان جاعدايلار دا بولعان», – دەيدٸ بۇرىنعى ەرٸپتەسٸ.
سونداي-اق ول اسلان ەلسەروۆتٸڭ سپورتقا ەرەكشە مەن بەرگەنٸن, ٶزٸن عانا ەمەس, بالالارىن دا وسى باعىتتا تەربيەلەگەنٸن اتاپ ٶتتٸ. ايتۋىنشا, ونىڭ ٷلكەن ۇلى دجيۋ-دجيتسۋدان ازييا چەمپيونى اتانسا, باسقا بالالارى دا سپورتپەن بەلسەندٸ اينالىسقان.
قازٸر اتالعان قىلمىستىق ٸس بويىنشا تەرگەۋ امالدارى جالعاسىپ جاتىر. قۇقىق قورعاۋ ورگاندارى ٸستٸڭ بارلىق مەن-جايىن انىقتاپ جاتىر.
