قر پرەمەر-مينيسترٸ اسقار مامين ۇلتتىق نەيروحيرۋرگييا ورتالىعىندا بولىپ, وندا جاڭا راديولوگييا جەنە راديوحيرۋرگييا بٶلٸمٸنٸڭ جۇمىسىمەن تانىستى, دەپ حابارلايدى "ۇلت اقپارات" ٷكٸمەتتٸڭ رەسمي سايتىنا سٸلتەمە جاساپ.
ٷكٸمەت باسشىسىنا شۆەتسييادا شىعارىلعان زاماناۋي «گامما-پىشاق» كەشەنٸ تانىستىرىلدى. قازاقستان تمد اۋماعىنداعى ٷشٸنشٸ ەلگە جەنە وسىنداي جوعارى تەحنولوگييالىق جابدىعى بار ورتالىق ازيياداعى بٸرٸنشٸ ەلگە اينالدى.
جالپى, ەلەمدە 400-گە جۋىق «گامما-پىشاق» قوندىرعىسى بار, ولاردىڭ جارتىسى اقش پەن جاپونييادا ورنالاسقان. «گامما-پىشاق» — بۇل باس ميى ٸسٸكتەرٸن, تامىرلى جەنە فۋنكتسيونالدى اۋرۋلارىن ەمدەۋگە ارنالعان راديوحيرۋرگييالىق قوندىرعى. مۇندا 192 كوبالت-60 كٶزدەرٸنەن راديواكتيۆتٸ سەۋلەلەنۋ قولدانىلادى, ونىڭ سەۋلەلەرٸ پاتولوگييالىق وشاق ايماعىندا جينالىپ, بٸرٸكتٸرٸلەدٸ. ولار ٸسٸك جاسۋشالارىنىڭ دنق-سىن بۇزادى. بۇل رەتتە ميدىڭ ساۋ تٸندەرٸ مەن ناۋقاستىڭ بٷكٸل دەنەسٸ سەۋلەلەنبەيدٸ. وپەراتسييانىڭ ٶزٸ اۋىرسىندىرماي, باس سٷيەگٸن ترەپاناتسييالاۋسىز جاسالادى. وپەراتسييا بٸر رەتتٸك, ياعني سەۋلەلٸك تەراپييا سەكٸلدٸ بٸرنەشە ساتىدا جٷرگٸزۋدٸڭ قاجەتٸ جوق. سوندىقتان بٷگٸنگٸ تاڭدا «گامما- پىشاق» — راديوحيرۋرگييالىق ەمدەۋدٸڭ «التىن ستاندارتى».
قازاقستاندىقتار مۇنداي ەمدٸ كۆوتا بويىنشا تەگٸن الا الادى. بۇعان دەيٸن پاتسيەنتتەردٸ قىمبات ەمدەۋگە شەت ەلدەرگە جٸبەرۋگە تۋرا كەلدٸ. ۇلتتىق نەيروحيرۋرگييا ورتالىعىندا ورتالىق ازييا ايماعىنداعى جالعىز «گامما-پىشاقتىڭ» بولۋى قر-دا مەديتسينالىق تۋريزمدٸ دامىتۋعا دا ىقپال ەتەدٸ.
«دەنساۋلىق ساقتاۋ جٷيەسٸنٸڭ قولجەتٸمدٸلٸگٸ مەن تيٸمدٸلٸگٸن ارتتىرۋ – ەلٸمٸزدٸڭ دامۋىنىڭ باستى باسىمدىقتارىنىڭ بٸرٸ. ەزٸرلەنٸپ جاتقان «دەنٸ ساۋ ۇلت» ۇلتتىق جوباسى اياسىندا دەنساۋلىق ساقتاۋ ينفراقۇرىلىمىن ودان ەرٸ جاڭعىرتۋ جەنە مەديتسينا قىزمەتكەرلەرٸن ەلەۋمەتتٸك قولداۋ شارالارىن جەتٸلدٸرۋ بويىنشا شارالار كەشەنٸ قابىلدانادى», — دەپ ا. مامين, قازاقستاندىق دەرٸگەرلەردٸ كەلە جاتقان كەسٸبي مەرەكەمەن قۇتتىقتادى.
