قازاقستاننىڭ سىرتقى ٸستەر مينيسترٸ مۇحتار تٸلەۋبەردٸ بەينەكونفەرەنتسييا رەجيمٸندە ٷندٸستان, قىرعىزستان, تەجٸكستان, تٷرٸكمەنستان جەنە ٶزبەكستان سىرتقى ساياسي ۆەدومستۆولارى باسشىلارىنىڭ قاتىسۋىمەن ٶتكەن «ورتالىق ازييا – ٷندٸستان» ديالوگىنىڭ ەكٸنشٸ وتىرىسىنا قاتىستى, دەپ حابارلايدى قر سٸم باسپاسٶز قىزمەتٸ.
تالقىلاۋعا اۋعانستاننىڭ سىرتقى ٸستەر مينيسترٸ موحامماد حانيف اتمار دا قاتىستى.
ورتالىق ازيياداعى قاۋٸپسٸزدٸكتٸ نىعايتۋ جەنە تۇراقتى ٶسۋدٸ قامتاماسىز ەتۋ ماقساتىندا ۇزاق مەرزٸمدٸ كٶپجوسپارلى ٶزارا ٸس-قيمىلدى كەڭەيتۋ, مەملەكەتارالىق بايلانىستاردى تەرەڭدەتۋ مەسەلەلەرٸ بويىنشا جان-جاقتى پٸكٸر الماسىلدى. ساۋدا-ەكونوميكالىق ٶزارا ٸس-قيمىلدىڭ, وسى فورماتقا قاتىسۋشى مەملەكەتتەردٸڭ كٶلٸكتٸك ٶزارا بايلانىس جٶنٸندەگٸ باستامالارىن ٸسكە اسىرۋدىڭ, سونداي-اق ٶڭٸردەگٸ سانيتارييالىق-ەپيدەميولوگييالىق احۋالدى تۇراقتاندىرۋعا ٶزارا كٶمەك كٶرسەتۋدٸڭ پەرسپەكتيۆالارى قارالدى.
مينيسترلەر سىرتقى ساياسي ۆەدومستۆولاردىڭ كٷش-جٸگەرٸن كٶپجاقتى ٶزارا ٸس-قيمىلدىڭ ستراتەگييالىق ماڭىزدى باعىتتارىنا شوعىرلاندىرۋعا, ەكونوميكالىق جەنە ٶڭٸرارالىق ىنتىماقتاستىقتى كەڭەيتۋگە دايىن ەكەندٸكتەرٸن بٸلدٸردٸ. ورتالىق ازييا مەملەكەتتەرٸ مەن ٷندٸستاننىڭ كٶپجوسپارلى ىنتىماقتاستىعىنىڭ جاندانۋى كٶپعاسىرلىق دوستىق, ٶزارا قۇرمەت پەن پايدا دەستٷرلەرٸنە سەيكەس ورتاق مٷددەلەرگە جاۋاپ بەرەدٸ جەنە ەلەۋمەتتٸك-ەكونوميكالىق پروگرەستٸڭ, ٶڭٸردەگٸ بەيبٸتشٸلٸكتٸ, تۇراقتىلىق پەن قاۋٸپسٸزدٸكتٸ ساقتاۋدىڭ ماڭىزدى فاكتورى بولىپ تابىلادى.
كەزدەسۋ قورىتىندىسى بويىنشا ورتالىق ازييا مەن ٷندٸستان سىرتقى ٸستەر مينيسترلەرٸنٸڭ بٸرلەسكەن مەلٸمدەمەسٸ قابىلداندى.
