ورتالىق افريكا رەسپۋبليكاسىندا (وار) كٶلٸك مينانى باسىپ كەتٸپ, جارىلعان. سونىڭ سالدارىنان رەسەيدٸڭ ٷش ازاماتى جەنە جەرگٸلٸكتٸ ەكٸ پوليتسەي قازا بولىپ, بٸرنەشە ادام جارالانعان. بۇل تۋرالى 30 مامىردا ٷكٸمەتتەگٸ دەرەككٶزگە سٷيەنگەن AFP اگەنتتٸگٸ حابارلادى. بۇل اقپاراتتى بۇۇ-داعى دەرەككٶزدەر دە راستادى.
وقيعا 27 مامىردا وار استاناسى بانگي قالاسىنان 400 شاقىرىم جەردە بەربەراتي مەن بۋار قالالارىن جالعايتىن شوسسەدە بولعان. قازا تاپقاندار مەن جارالانعانداردى ەۆاكۋاتسييالاۋ ٷشٸن وقيعا ورنىنا رەسەيلٸك تٸكۇشاق جٸبەرٸلگەن.
AFP جازۋىنشا, افريكانىڭ كەدەي ەلٸنە ەلەۋلٸ ىقپالى بار رەسەي وار ارميياسىن ەسكەري ەزٸرلٸكتەن ٶتكٸزٸپ, جاتتىقتىرادى. بىلتىر ونداعى ەسكەري كونتينگەنت جٷزدەگەن رەسەيلٸك جاڭا جارتىلاي ەسكەري توپتارمەن تولىققان ەدٸ. ولار رۋاندا ارميياسىمەن بٸرٸگٸپ ەرەۋٸلشٸلەرمەن قاقتىعىسىپ جاتقان پرەزيدەنت فوستەن اركانج توۋادەردٸ قولدايدى.
وار بيلٸگٸ رەسەيمەن ەكٸجاقتى كەلٸسٸمدەردە ونىڭ ازاماتتارىن "ەسكەري قىزمەتكەر" دەپ اتاعان. الايدا كەيٸنٸرەك مەسكەۋ تەرمينولوگييانى ٶزگەرتٸپ, وار-داعى ازاماتتارىن "ينسترۋكتور" دەپ اتاي باستادى.
ونداعى "ينسترۋكتورلاردىڭ" ۆاگنەر توبىنىڭ مٷشەلەرٸ ەكەنٸن دەلەلدەيتٸن كٶپتەگەن دەرەك پەن ايعاق بار.
شامامەن بەس ميلليون حالقى بار وار-دا پرەزيدەنت جاقتاستارى مەن 2013 جىلى ٷكٸمەتتٸ قۇلاتقان قارۋلى توپتار اراسىندا جەتٸ جىلدان بەرٸ قارۋلى قاقتىعىس جالعاسىپ جاتىر.
