© پرەسس-سلۋجبا مچس رف
ريددەر قالاسىندا ورمان ٶرتٸنە قاتىستى ٸس قارالدى. كەۋاپ جاساعان ەر ادامنىڭ كەسٸرٸنەن تۇرعىن ٷيلەر ٶرتەنٸپ, ەكٸ ادام قازا تاپتى, دەپ حابارلايدى Sputnik قازاقستان "استانا" ارناسىنا سٸلتەم جاساپ.
تٶتەنشە جاعداي بيىل 10 مامىردا بولعان. ورمان ٶرتٸ 300 گەكتارعا تاراپ كەتتٸ. تۇتاس بٸر شاعىن اۋداننىڭ تۇرعىندارىن قاۋٸپسٸز جەرگە كٶشٸرۋگە تۋرا كەلدٸ. ٶرت سٶندٸرۋشٸلەر ەكٸ كٷن بويى تٸلسٸز جاۋمەن ارپالىستى. اۆياتسييانى كٶمەككە شاقىرۋعا تۋرا كەلدٸ. ونداعان ٷي جانىپ كەتتٸ, ەكٸ ادام قازا تاپتى.
ال پوليتسەيلەر كٸنەلٸ ادامدى تاپتى. 36 جاستاعى ەر ادام وتباسىمەن بٸرگە تابيعاتقا شىعىپ, كەۋاپ پٸسٸرگەن. شوق جەرگە تٷسٸپ, ٶرت شىققان. ەر ادام ونى ٶزٸ سٶندٸرٸپ كٶرگەن. بٸراق كٷشٸ جەتپەيتٸنٸن تٷسٸنگەننەن كەيٸن وقيعا ورنىنان قاشىپ كەتكەن. ادامدار ونىڭ كەلٸپ-كەتكەنٸن كٶرگەن. ەر ادامدى ۇستاۋ كەزٸندە مانگال زاتتاي ايعاق رەتٸندە تەركٸلەندٸ.
سوت شەشٸمٸمەن ول ەكٸ جىلعا باس بوستاندىعىنان ايىرىلدى. سۋديا اسىراۋىندا كٸشكەنتاي بالاسى بار ەكەنٸن دە ەسكەردٸ. وعان قوسا, زارداپ شەككەن ادامدارعا 125 ميلليون تەڭگەنٸ بٶلٸپ تٶلەۋگە مٸندەتتەلدٸ. قۇقىق قورعاۋشىلار ايىپپۇلدى "ويعا قونىمسىز" شارا دەپ وتىر.
"125 ميلليون تەڭگەنٸ زارداپ شەككەندەرگە بەرۋ كەرەك ەكەن, مٷمكٸن ەمەس قوي. سەبەبٸ ادام باس بوستاندىعىنان ايىرۋ مەكەمەسٸندە وتىرعاندا كٶپ جاعدايدا جۇمىسسىز بولادى. ال ودان شىققاننان كەيٸن تابىسىنىڭ جارتىسىن بەرٸپ وتىرعان كٷننٸڭ ٶزٸندە ٶمٸر بويى ايىپپۇل تٶلەپ ٶتەدٸ. ونى تولىعىمەن تٶلەپ ٷلگەرمەۋٸ دە مٷمكٸن", - دەيدٸ زاڭگەر الەكسەي بوجكو.
سوتتالۋشى اپپەلياتسيياعا شاعىم تٷسٸرە الادى. ال ٶرت سالدارىنان زارداپ شەككەندەرگە جاڭا باسپانا بەرٸلدٸ.
