شىمكەنتتٸڭ «ورداباسى» كلۋبىنىڭ باسشىلىعى كوماندانىڭ ەۋروكۋبوك ويىندارىنان شەتتەتٸلۋٸنە بايلانىستى اقپاراتقا رەسمي جاۋاپ بەردٸ, دەپ حابارلايدى "ۇلت اقپارات".
«ورداباسى» فۋتبول كلۋبى 2019 جىلدىڭ 30 قىركٷيەگٸنە دەيٸنگٸ بارلىق كرەديتورلىق قارىزدارىمەن ەسەپتەستٸ. ەندٸ ۋەفا تالاپتارىنا سەيكەس سەرتيفيكاتقا ٷمٸتكەر رەتٸندە ليتسەنزييا پروتسەسٸن ٶتۋدە. وسىعان بايلانىستى «ورداباسى» فۋتبول كلۋبىنىڭ ەۋروكۋبوكتاان شىعارىلۋ قاۋپٸ جوق», - دەلٸنگەن تاراتىلعان اقپاراتتا .
ەستەرٸڭٸزگە سالا كەتەلٸك, بٷگٸن قارجىلىق سەبەپتەرگە بايلانىستى «ورداباسى» كومانداسىنىڭ الداعى ەكٸ جىلدا ەۋروكۋبوك ويىندارىنان شەتتەتٸلگەنٸ حابارلانعان ەدٸ.
«ورداباسى» كلۋبى ەۋروكۋبوك ويىندارىنا 2012 جىلدان بەرٸ بەس مەرتە قاتىسقان. 2018 جىلى قارجىلىق سەبەپتەرگە بايلانىستى كوماندا ەۋروكۋبوك ويىندارىنان شەت قالىپ قويدى. ولاردىڭ ورنىنا ەۋروكۋبوكتا قوستانايدىڭ «توبىلى» ەل نامىسىن قورعادى.
ەستەرٸڭٸزگە سالا كەتەلٸك, الداعى جىلى قازاقستان اتىنان ەۋروكۋبوكتا تٶرت كوماندا باق سىنايدى. ەلوردالىق «استانا» چەمپيوندار ليگاسىندا سىنعا تٷسسە, الماتىنىڭ «قايرات», قىزىلوردانىڭ «قايسار», شىمكەنتتٸڭ «ورداباسى» كلۋبتارى ەۋروپا ليگاسىنا قاتىسۋى تيٸس.
