Shymkenttiń «Ordabasy» klýbynyń basshylyǵy komandanyń eýrokýbok oiyndarynan shettetilýine bailanysty aqparatqa resmi jaýap berdi, dep habarlaidy "Ult aqparat".
«Ordabasy» fýtbol klýby 2019 jyldyń 30 qyrkúiegine deiingi barlyq kreditorlyq qaryzdarymen eseptesti. Endi ÝEFA talaptaryna sáikes sertifikatqa úmitker retinde litsenziia protsesin ótýde. Osyǵan bailanysty «Ordabasy» fýtbol klýbynyń eýrokýboktaan shyǵarylý qaýpi joq», - delingen taratylǵan aqparatta .
Esterińizge sala ketelik, búgin qarjylyq sebepterge bailanysty «Ordabasy» komandasynyń aldaǵy eki jylda eýrokýbok oiyndarynan shettetilgeni habarlanǵan edi.
«Ordabasy» klýby eýrokýbok oiyndaryna 2012 jyldan beri bes márte qatysqan. 2018 jyly qarjylyq sebepterge bailanysty komanda eýrokýbok oiyndarynan shet qalyp qoidy. Olardyń ornyna eýrokýbokta Qostanaidyń «Tobyly» el namysyn qorǵady.
Esterińizge sala ketelik, aldaǵy jyly Qazaqstan atynan eýrokýbokta tórt komanda baq synaidy. Elordalyq «Astana» Chempiondar ligasynda synǵa tússe, Almatynyń «Qairat», Qyzylordanyń «Qaisar», Shymkenttiń «Ordabasy» klýbtary Eýropa ligasyna qatysýy tiis.
