فۋتبولدان قازاقستان چەمپيوناتىنىڭ سەگٸزٸنشٸ تۋرىندا الماتىنىڭ «قايراتى» ٶز الاڭىندا شىمكەنتتٸڭ «ورداباسى» كومانداسىن قابىلدادى, دەپ حابارلايدى "ۇلت اقپارات".
قوس كوماندا دا ەل بٸرٸنشٸلٸگٸندە ٷزدٸك شىعۋدان ٷمٸتكەر, ەسٸرەسە, ٶتكەن تۋردا كٷتپەگەن جەردەن «اتىراۋعا» ەسە جٸبەرگەن «قايراتقا» شەگٸنەر جوق ەدٸ.
الماتىلىقتاردىڭ باپكەرٸ بۇل جولى شابۋىل شەبٸندە برازيلييالىق ۆاگنەر لاۆقا قوسا ۋكراينالىق ادەرينسولا ەسەولاعا ٷمٸت ارتتى. الايدا 25-مينۋتتا قوناقتاردىڭ قورعاۋشىسىنا قارسى دٶرەكٸ ويناعان ۆ.لاۆقا قاراعاندىلىق تٶرەشٸ ارتەم كۋچين ەۋەلٸ سارى, سوسىن قىزىل قاعاز كٶرسەتتٸ.
شىمكەنتتٸكتەر سان باسىمدىعىنا يە بولعانىمەن, ويىن تٸزگٸنٸن ەل چەمپيوندارى ۋىسىنان شىعارعان جوق. اقىرى 61-مينۋتتا قارسى شابۋىلدى قىرعىزستاندىق گٷلجٸگٸت الىقۇلوۆ ەدەمٸ ۇيىمداستىرىپ, سەرگەي كەيلەرگە پاس بەردٸ. ول ايىپ الاڭىنان تابىلعان ا.ەسەولاعا سىرعىتتى. ەسەولا مٷمكٸندٸگٸن مٷلت جٸبەرگەن جوق.
ويىنعا تىڭنان قوسىلعان شابۋىلشىلار شترەلي مامبا مەن حوسە كانتە دە قانجىعالارىن مايلاپ, ەسەپتٸ 3:0-گە جەتكٸزدٸ.
وسىلايشا 15 ۇپاي جيناعان «قايرات» تۋرنير كەستەسٸندە ٷشٸنشٸ ورىنعا كٶتەرٸلدٸ. «استانا» 20 ۇپايمەن كٶش باستاپ كەلە جاتسا, «تاراز» (17 ۇپاي) ەكٸنشٸ ورىندا تۇر.
كەلەسٸ تۋردا «اقتٶبە» - «استانا», «اتىراۋ» - «كاسپيي», «توبىل» - «تاراز», «قىزىلجار» - «قايرات», «ورداباسى» - «تۇران», «اقجايىق» - «جەتٸسۋ» كوماندالارى ٶزارا كەزدەسەدٸ.
