وڭتٷستٸك قازاقستان وبلىسىنىڭ «ورداباسى» فۋتبول كومانداسىنىڭ ويىنشىلارى كيەلٸ وتىرار جەرٸندە بولدى. وتىرار اۋدانىنىڭ ەكٸمٸ ەرلان ايتاحانوۆتىڭ ارنايى شاقىرتۋىمەن كەلگەن اياقدوپشىلار ارىستان باب كەسەنەسٸن ارالاپ كٶردٸ, دەپ حابارلايدى قازاقپارات تٸلشٸسٸ.
ەلباسىمىز ن. نازارباەۆتىڭ ەلٸمٸزدە بۇقارالىق سپورتتى دامىتۋ جٶنٸندە باعدارلامالىق تاپسىرمالار بەرگەنٸ بەلگٸلٸ. وسى رەتتە فۋتبولدان ەل بٸرٸنشٸلٸگٸندە وبلىستىڭ نامىسىن قورعاپ جٷرگەن «ورداباسى» كلۋبىنىڭ مٷشەلەرٸن قوناققا شاقىرعان اۋدان ەكٸمٸ ەرلان ايتاحانوۆ سپورتشىلاردى قاقپادان كٷتٸپ الىپ, بٷگٸندە وتىراردىڭ برەندٸنە اينالعان شۇبات ۇسىندى.
باس قاقپادا از-كەم ايالداعان قوناقتار بٸردەن ارىستان باب ەۋليەنٸڭ كەسەنەسٸنە بەت تٷزەدٸ. مىسىر جەرٸندەگٸ عۇلاما بابامىز - ەبۋ ناسىر ەل-فارابي مەن داڭقتى قولباسشى سۇلتان بەيبارىستىڭ زيراتتارىنان ەكەلٸنٸپ, توپىراقتارى وسىندا قويىلعان كەشەنمەن تانىستى.
قاسيەتتٸ جۇما كٷنٸمەن تۇسپا-تۇس كەلگەن ساپاردا قوناقتار ارىستانباب كەسەنەسٸندە قۇران وقىپ, نيەت بٸلدٸرٸپ, قۇربان شالدى. مۇنان سوڭ قۇرمەتتٸ قوناقتار ارنايى جايىلعان داستارحان باسىندا باس قوسىپ, كٶتەرٸڭكٸ كٶڭٸل-كٷي سىيلاعان كونتسەرتتٸك باعدارلامانى تاماشالادى. باسقوسۋدا «ورداباسى» كلۋبىنىڭ پرەزيدەنتٸ باقتييار بايسەيٸتوۆ اۋدان باسشىسىنا وسى كەزدەسۋدٸ ۇيىمداستىرعانى ٷشٸن كلۋب مٷشەلەرٸنٸڭ اتىنان ريزاشىلىعىن جەتكٸزٸپ, ەرلان قۋانىشۇلىنا «ورداباسى» فۋتبول كلۋبىنىڭ قوس جەيدەسٸ مەن وتىرارلىقتارعا ارنالعان كەدەسىيىن تابىستادى.
اۋدان ەكٸمٸ ٶز كەزەگٸندە نەگٸزگٸ قۇراممەن كەلگەن كومانداعا العىسىن ايتا وتىرىپ, وتىرارلىقتاردىڭ اتىنان باقتييار دانييارۇلى باستاعان الەكسەي پەترۋشين, ايتقۇل اقىنباەۆ, سامات سماقوۆ, تيمۋر يكسانوۆ, پاۆەل پيشۋليندەردٸڭ يىقتارىنا شاپان جاۋىپ, سىي-قۇرمەت كٶرسەتتٸ.
مۇنان كەيٸن سپورتشىلار «رۋحانييات-ەبۋ ناسىر ەل-فارابي» مۋزەيٸن ارالاپ, تاعىلىمى مول تاريحي قۇندىلىقتارمەن تانىستى. جۋرناليستەر مەن فۋتبول جانكٷيەرلەرٸنە ارناپ باسپاسٶز كونفەرەنتسيياسىن ٶتكٸزدٸ.
كلۋب پرەزيدەنتٸ قويىلعان سۇراقتارعا تولىققاندى جاۋاپ بەردٸ. مەملەكەتتٸك ەنۇران اۆتورلارىنىڭ بٸرٸ, كومپوزيتور شەمشٸ قالداياقوۆتىڭ تۋعان جەرٸندەگٸ «الپامىس باتىر» اتىنداعى سپورت كەشەنٸندە «ورداباسىنىڭ» نەگٸزگٸ قۇرامى مەن وتىرار اۋدانىنىڭ قۇراماسى جولداستىق كەزدەسۋ ٶتكٸزدٸ.
بۇقارالىق سپورتتى دامىتۋ, جاستاردىڭ اياقدوپقا دەگەن قىزىعۋشىلىعىن ارتتىرۋ ماقساتىندا ٶتكەن ويىندا جەڭٸس تٶرٸنە دوستىق پەن ىنتىماق شىقتى.
