تٷركٸستان وبلىسىندا تاعى بٸر مەكتەپ اشىلدى, دەپ حابارلايدى «ۇلت اقپارات» تٷركٸستان وبلىسى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
ورداباسى اۋدانىنداعى شۇبارسۋ ەلدٸ مەكەنٸندە «ٶمٸرحان قوزىباق» اتىنداعى باستاۋىش مەكتەبٸنٸڭ اشىلۋ رەسٸمٸ ٶتتٸ. 280 ورىندىق بٸلٸم وشاعى جەكە كەسٸپكەردٸڭ ٶز قاراجاتى ەسەبٸنەن سالىنعان. كەلەر جىلى جاڭا مەكتەپتە جوعارى سىنىپ وقۋشىلارىنا ارنالعان عيماراتپەن قاتار جازعى سپورتتىق الاڭى مەن جوعارى سىنىپ وقۋشىلارىنىڭ زەرتتەۋ جۇمىستارىنا ارنالعان جىلىجاي سالۋ جوسپارلانۋدا.
رەسپۋبليكا كٷنٸ قارسىڭىندا تٷركٸستان وبلىسى ەكٸمٸنٸڭ بٸرٸنشٸ ورىنباسارى ارمان جەتپٸسباي ورداباسىلىقتاردىڭ قۋانىشىمەن بٶلٸسٸپ, جاڭا مەكتەپتٸڭ اشىلۋىنا قاتىستى. ٶڭٸردەگٸ بٸلٸم سالاسىنداعى جاڭا باستامالارمەن بٶلٸستٸ.
«بٷگٸن ٶزدەرٸڭٸزبەن ۇلتتىق مەرەكەمٸز – رەسپۋبليكا كٷنٸ قارساڭىندا قۋانىشتى سەتتٸ بٸرگە بٶلٸسۋ ٷشٸن كەزدەسٸپ وتىرمىز. ٶزدەرٸڭٸزگە بەلگٸلٸ, مەملەكەت باسشىسى قىركٷيەكتەگٸ جولداۋىندا بٸلٸم سالاسىنا ەرەكشە توقتالدى. مەكتەپ سالۋ – ٷكٸمەت پەن ەكٸمدٸكتەر ٷشٸن باستى مٸندەتتەردٸڭ بٸرٸ, دەدٸ. 2025 جىلعا دەيٸن ەلٸمٸزدە ەل پرەزيدەنتٸنٸڭ قولداۋىمەن 800 مىڭ بالانىڭ زاماناۋي مەكتەپتە وقۋىنا جاعداي جاسالماق. «جايلى مەكتەپتەر» بٸزدٸڭ وبلىستا دا سالىنادى. زاماناۋي تالاپقا ساي 86 مەكتەپتە 60 مىڭ بالا بٸلٸم الاتىن بولادى. وسىلايشا اپاتتى جاعدايداعى جەنە ٷش اۋىسىممەن وقيتىن مەكتەپ مەسەلەسٸ شەشٸلەدٸ. مەكتەپ سالۋدا جەرگٸلٸكتٸ كەسٸپكەرلەرٸمٸز زور ٷلەس قوسىپ كەلەدٸ. بٸز ٶز تاراپىمىزدان بٸلٸم سالاسىن دامىتۋعا اتسالىسقان ازاماتتاردى قولداۋعا دايىنبىز», – دەدٸ ٶز سٶزٸندە وبلىس ەكٸمٸنٸڭ بٸرٸنشٸ ورىنباسارى ارمان جەتپٸسباي.
ورداباسى اۋدانىندا 6 مەكتەپتٸڭ قۇرىلىسى جٷرٸپ جاتىر. ونىڭ 4-ۋٸ (قاراسپان, اققويلى, دەربەس, تٶرتكٶل ە/م) جىلدىڭ سوڭىندا پايدالانۋعا بەرٸلەدٸ دەپ جوسپارلانۋدا. جالپى, ورداباسى اۋدانىندا 69 مەكتەپ بار. وندا 4,5 مىڭنان استام مۇعالٸم ەڭبەك ەتسە, 37 مىڭنان استام وقۋشى بٸلٸم الۋدا.
