تٷركٸستان وبلىسىنىڭ ەكٸمٸ دارحان ساتىبالدى ورداباسى اۋدانىنا ٸس-ساپارى بارىسىندا بٸرقاتار كەسٸپورىندى ارالاپ, جۇمىسىمەن تانىستى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
يندۋستريالدى ايماقتى كەڭەيتۋ, دامىتۋ جولدارىن قاراستىرىپ, ماماندارمەن, كەسٸپكەرلەرمەن كەڭەستٸ. ٶڭٸر باسشىسى ورداباسى اۋدانىندا ٶندٸرٸستٸ دامىتۋعا كٷش سالىناتىنىن جەتكٸزدٸ.
«ورداباسى اۋدانىندا ٶندٸرٸستٸ دامىتۋعا مٷمكٸندٸك مول. يندۋستريالدى ايماق قولايلى اۋماقتا ورنالاسقان. بٸز يندۋستريالدى ايماقتى ودان ەرٸ كەڭەيتٸپ, كەسٸپورىندار اشۋعا كٷش سالامىز. ينفراقۇرىلىم مەسەلەسٸ تولىق شەشٸلەدٸ. ينۆەستورلار مەن كەسٸپكەرلەرگە قولداۋ كٶرسەتۋگە دايىنبىز», – دەدٸ دارحان ساتىبالدى.
بٷگٸندە ورداباسى اۋدانىندا «ستاندارت رەسۋرسيس» جشس-نٸڭ مۇناي ٶڭدەۋ زاۋىتى جۇمىس ٸستەپ تۇر. ٶندٸرٸس ورنىنىڭ قۇرىلىسى 2020 جىلى اياقتالعان. جۇمىسىنىڭ ٸٸ كەزەڭٸن بيىلعى جىلدىڭ ەكٸنشٸ جارتىجىلدىعىندا ٸسكە قوسقان. جىلىنا 100 مىڭ توننا شيكٸزات ٶندٸرەدٸ. جوعارى ماركالى بەنزيننەن باستاپ, بٸرنەشە ٶنٸم شىعارىلادى. 200-گە جۋىق ادام جۇمىسپەن قامتىلعان. ولاردىڭ ورتاشا ايلىعى 120-150 مىڭ تەڭگەنٸ قۇرايدى. كٶمٸر-حيمييا زاۋىتىنىڭ ەلەۋەتٸن ماماندار جوعارى باعالاپ وتىر.
ٶڭٸر باسشىسى ودان كەيٸن پوليەتيلەن بۇيىمدارىن قايتا ٶڭدەيتٸن جەنە سينتەپون تالشىعىن ٶندٸرەتٸن «GREEN TECHNOLOGY INDUSTRIES» زاۋىتىندا بولدى. بادام اۋىلىنداعى «بادام» يندۋسترييالدى ايماعىندا ورنالاسقان زاۋىتتىڭ ينۆەستيتسييالىق قۇنى – 6800,0 ملن. تەڭگە. جوبانىڭ I كەزەڭٸ پەت قالدىقتارىن تازارتۋ جەنە ۇساقتا تۋراپ فلەكس ٶنٸمٸن الۋ جوباسى 2018 جىلى «ٷدەمەلٸ يندۋستريالدى-يننوۆاتسييالىق دامۋ» مەملەكەتتٸك باعدارلاماسى اياسىندا ٸسكە قوسىلدى. 2018 جىلدان بەرٸ شىعارىلىپ جاتقان فلەكس ٶنٸمٸ رەسەي فەدەراتسيياسىنا ەكسپورتتالۋدا. قوس ٶندٸرٸس ورنىن ارالاپ كٶرگەن دارحان ساتىبالدى كەسٸپكەرلٸككە قولداۋ باعىتىنداعى جۇمىستار جانداناتىنىن ايتتى. يندۋستريالدى ايماقتىڭ كەرٸز جٷيەسٸن رەتتەۋ مەسەلەسٸ ماڭىزدى ەكەنٸن اتاپ ٶتتٸ.
جۇمىس ساپارىندا وبلىس ەكٸمٸنە «2021-2025 جىلدارعا ارنالعان كەسٸپكەرلٸكتٸ دامىتۋ» ۇلتتىق جوبا اياسىندا مەملەكەتتٸك گرانت ارقىلى قارجىلاندىرىلىپ, كەسٸبٸن اشقان ازاماتتار مەن تاۋار ٶندٸرۋشٸلەردٸڭ كٶرمەسٸن كٶرمەسٸ ۇسىنىلىپ, جوبالار تانىستىرىلدى.
ورداباسى اۋدانىندا «بٸرىڭعاي يندۋسترييالاندىرۋ كارتاسى» اياسىندا 2022-2025 جىلدارى جالپى ينۆەستيتسييالىق قۇنى 105,7 ملرد. تەڭگە بولاتىن جەنە بارلىعى 1060 جاڭا جۇمىس ورنىن قۇراتىن 6 جوبانى ٸسكە اسىرۋ جوسپارلانعان. بيىل 3 جوبا ٸسكە قوسىلدى. ال, «بادام» يندۋستريالدىق ايماعىندا جالپى قۇنى 21 ملرد. 234 ملن. تەڭگەنٸ قۇرايتىن 6 جوبا ورنالاسقان.
اۋداندا ٶنەركەسٸپ سالاسىندا 9 ايدا 21 ملرد. 190 ملن. تەڭگەنٸڭ ٶنٸمٸ ٶندٸرٸلٸپ, الدىڭعى جىلدىڭ تيٸستٸ كەزەڭٸمەن سالىستىرعاندا 804 ملن. تەڭگەگە, ال ناقتى كٶلەم يندەكسٸ 0,3%-عا ارتتى. جىل قورىتىندىسىمەن مەجەلەنگەن 28 ملرد. تەڭگەنٸڭ ٶنٸمٸ ٶندٸرٸلمەك. ورداباسى اۋدانىنا 9 ايدا 26 ملرد. 251 ملن. تەڭگە ينۆەستيتسييا تارتىلدى. بۇل الدىڭعى جىلدىڭ تيٸستٸ كەزەڭٸمەن سالىستىرعاندا 10 ملرد. 955 ملن. تەڭگەگە ارتىق. سونىڭ ٸشٸندە جەكە ينۆەستيتسييالار – 14 ملرد. 851 ملن. تەڭگە.
