اقتٶبەدەن شىعاتىن «ادىرنا» رەسپۋبليكالىق ەدەبي-كٶركەم, كٶپشٸلٸك جۋرنالىنىڭ ٶز جۇمىسىن ۋاقىتشا توقتاتاتىنىن بارلىق وقىرماندارعا, جاناشىرلارعا, ەدەبيەتتٸڭ شىنايى تٸلەۋلەستەرٸ مەن ونىڭ ٷزدٸكسٸز ٶركەندەۋٸنە الاڭدايتىن بارلىق نەتٸ قازاقتارعا, ۇلتتىق رۋحتىڭ بولاشاعىنا جانى مەن جٷرەگٸ الاڭدايتىن باۋىرلارعا ٶكٸنە وتىرىپ حابارلايمىن.
وسى جۋرنالدىڭ العاشقى سانى 2016 جىلدىڭ قاراشا ايىندا جارىق كٶرگەلٸ بەرٸ جاڭا باسىلىمعا دەگەن ەلدٸڭ ىقىلاسى مەن قاداۋ-قاداۋ ازاماتتاردىڭ قامقورلىعى, قارا حالىقتىڭ ريياسىز سٷيٸسپەنشٸلٸگٸ ارقاسىندا باسىلىمنىڭ جاعدايى كٷرت جاقسارىپ, «ادىرنا» ەسٸمٸ مەيلٸنشە تانىمال دەرەجەگە كٶتەرٸلٸپ ەدٸ.
ادالىنا جىعىلساق, جۋرنالعا قاجەتتٸ قارجىنى بەلگٸلەپ, جٷرگەن جەرٸندە شىنايى ناسيحاتتاعان سول كەزدەگٸ اقتٶبە وبلىسىنىڭ ەكٸمٸ, ٸرٸ مەملەكەت قايراتكەرٸ بەردٸبەك مەشبەكۇلى ساپارباەۆتىڭ ٶزٸ ەدٸ.
ٶكٸنٸشكە وراي, 2020 جىلدان باستاپ «ادىرنانىڭ» جاعدايى كٷرت تٶمەندەدٸ: وبلىستىڭ ٸشكٸ ساياسات بٶلٸمٸنٸڭ باسشىسى قاڭتار-اقپان ايلارىندا ٶتەتٸن تەندەردٸ ماۋسىم ايىنىڭ اياعىنا دەيٸن سوزدى, ال تەندەر ٶتكەن سوڭ, «قارجىنىڭ از بٶلٸنگەنٸن» ايتىپ, اقىرى شٸلدە ايىندا ەكٸ ميلليون قارجىنى بەرگٸزٸپ, الدارقاتتى دا قويدى.
مەن, مەيٸرحان اقدەۋلەتۇلى, قارجىنىڭ تٷبٸ بولاتىنىن ايتا بەرەتٸن ەكٸمشٸلٸككە سەنٸپ, بارلىق قارجىنى ٶز قالتامنان تٶلەپ جٷردٸم دە, قازان ايىنىڭ ورتا شەنٸندە وبلىس ەكٸمٸنە كٸرٸپ, كەلەسٸ جىلعا جازىلۋدى توقتاتاتىنىمدى, وقىرمان ٷشٸن جەلتوقسان ايىندا سوڭعى نومەرٸن شىعاراتىنىمدى, ەكٸمشٸلٸكتٸڭ ۋەدەسٸنە سەنٸپ شىعىندانىپ كەلگەنٸمدٸ باياندادىم.
وڭداسىن سەيٸلۇلى قارجىنى جەرگٸلٸكتٸ قورلار ارقىلى ٶتەيتٸنٸن, جۋرنالدىڭ 2021 جىلى دا شىعا بەرۋٸ كەرەكتٸگٸن ايتىپ, تىنىشتاندىردى. ۋەدە تىم سوزىلىپ كەتكەن سوڭ بيىلعى اقپان ايىندا ەكٸمگە تاعى كٸردٸم. بۇل جولى دا ەكٸم سەل كٷتۋ كەرەكتٸگٸن, قارجىنىڭ تابىلاتىنىن تاعى دا ايتتى جەنە مەنٸڭ قازاقستاننىڭ 30 جىلدىعىنا بايلانىستى ۇسىنعان جوبالارىمدى قۋانا قولداپ, تيٸستٸ ادامدارعا تاپسىرما بەردٸ. 2021 جىلعى قاڭتار, اقپان ايلارىنىڭ نومەرلەرٸن شىعارىپ, جۋرنالدىڭ ناۋرىز, سەۋٸر, مامىر ايلارىنىڭ نومەرلەرٸن باسپاعا ەزٸرلەپ قويدىق... ال ەكٸمشٸلٸكتەن ەلٸ ناقتى حابار عانا ەمەس, وسى مەسەلەگە باس اۋىرتاتىنداي نيەت جوق.
ٶز وقىرمانى قالىپتاسىپ, ەلگە تانىمال بولعان جۋرنالدىڭ وسى جاعدايى مەنٸ تىعىرىققا تٸرەپ, باسىلىمنىڭ شىعۋىن ۋاقىتشا توقتاتۋعا مەجبٷرلەپ وتىر. 2019 جىلى ٷلكەن ەدەبي بەيگە جارييالانىپ, سونىڭ قورتىندىسىنا 5,5 ملن تەڭگە جۇمساپ ەدەبي فورۋم ٶتكٸزگەن, حالىقتىڭ ٶز ەدەبيەتٸنە دەگەن ىقىلاسىن وياتىپ, وبلىسقا, وبلىستىڭ ەكٸمٸنە ابروي ەپەرگەن «ادىرنانىڭ» وسى بەيشارا كٷيگە تٷسكەنٸنە, تيراجى ٷش جىل ٸشٸندە «جۇلدىزدان» اسىپ تٷسكەن جۋرنالدىڭ ەشكٸمگە ەندٸ قاجەتسٸزدٸگٸنە جەنە... رەسمي بيلٸكتٸڭ «ۋەدەسٸ» ارقاسىندا ٶز باسىم 19,0 ملن اقشانى ەكٸمشٸلٸكتٸڭ ٷزدٸكسٸز ۋەدەسٸنە بولا ٶز قالتامنان تٶلەگەنٸمە عانا ەمەس, «رۋح, ت.ت.» دەپ سايراعاندا الدىنا جان سالمايتىنداردىڭ قازاقى رۋحتى وسىلاي دا قورلاۋعا بولارىنا قايرانمىن. ونى سوت ارقىلى شەشۋگە تالپىنارمىز, بٸراق «ادىرنانى» قورلىققا سالارلىقتاي ەشتەمە ٸستەمەپ ەدٸك.
سونىمەن... ەزٸرگە ەلٸ دە ٷمٸتتٸمٸز.
بارلىق تٸلەۋلەستەردەن كەشٸرٸم ٶتٸنەمٸن.
مەيٸرحان اقدەۋلەتۇلى,
«ادىرنا» جۋرنالىنىڭ باس رەداكتورى,
قازاقستان جازۋشىلار وداعىنىڭ مٷشەسٸ, قجو باسقارما مٷشەسٸ,
اقىن, كٶسەمسٶز شەبەرٸ. «قۇرمەت» وردەنٸنٸڭ, ج.نەجٸمەدەنوۆ اتىنداعى سىيلىقتىڭ يەگەرٸ.
20 سەۋٸر, 2021
