اقتٶبە وبلىسىنىڭ ەكٸمٸ وڭداسىن ورازالين كوروناۆيرۋس ينفەكتسيياسىنا شالدىققان ناۋقاستاردىڭ جاعدايىن بٸلٸپ, اۋرۋحانانىڭ ماتەريالدىق-تەحنيكالىق بازاسىن قاراپ شىقتى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
اقتٶبەدەگٸ فتيزيوپۋلمونولوگييالىق ورتالىق 500 تٶسەك-ورىنعا ەسەپتەلگەن. سونىڭ ٸشٸندە 75 رەانيماتسييالىق ورىن بار. ەمدەۋ مەكەمەسٸنە بارعان ٶڭٸر باسشىسى قابىلداۋ بٶلمەسٸ, رەانيماتسييالىق, رەنتگەن-دياگنوستيكالىق بٶلٸمدەردٸ قاراپ شىقتى.
فتيزيوپۋلمونولوگييالىق ورتالىقتىڭ باس دەرٸگەرٸ ەرلان تەتٸموۆتٸڭ ايتۋىنشا, ناۋقاستار تٷسكەن كەزدە پتر تەست تاپسىرىپ, نەتيجەسٸ بٸر ساعاتتىڭ ٸشٸندە شىعارىلادى. سونداي-اق, قابىلداۋ بٶلمەسٸندە رەنتگەن زەرتتەۋٸ جاسالادى. بۇل دياگنوز قويىپ, سوعان ساي ەم تاعايىنداۋعا ىڭعايلى. مەكەمە تولىعىمەن جوعارى بٸلٸكتٸ مەديتسينالىق كادرلارمەن قامتاماسىز ەتٸلگەن. ورتالىقتىڭ 11 قىزمەتكەرٸ قوسىمشا ينفەكتسيونيست, 11 قىزمەتكەرٸ پۋلمونولوگ ماماندىقتارىنا وقىتىلدى. جۇقپالى اۋرۋلار بٶلٸمٸنٸڭ جۇمىسىنا انگيوحيرۋرگ, كارديولوگ, ەندوكرينولوگ, نەۆرولوگ پەن حيرۋرگ سەكٸلدٸ بارلىعى 24 مامان تارتىلعان. مۇندا دەرٸ-دەرمەكتٸڭ ەكٸ ايلىق قورى جينالىپ, ماتەريالدىق-تەحنيكانى نىعايتۋ شارالارى قابىلدانعان. ٶكپەنٸ جاساندى جەلدەتەتٸن 75 اپپارات, بيوحيمييالىق گەموتولوگييالىق تالداعىش, رەنتگەن-دياگنوستيكالىق قوندىرعى, كومپيۋتەرلٸك توموگراف, فۋنكتسيونالدى كەرەۋەتتەر بار. رەانيماتسييا بٶلٸمٸنە دە جٶندەۋ جٷرگٸزٸلٸپ, قۋاتى مينۋتىنا 600 ل بولاتىن وتتەكتٸ-كونتسەنتراتتى ستانسا ورناتىلعان. بۇل ماقساتقا بىلتىر بيۋدجەتتەن 618 ملن تەڭگە بٶلٸندٸ.
ناۋقاستارعا كٸرٸپ شىققان وڭداسىن ورازالين اقتٶبەلٸكتەردٸڭ حال-جاعدايلارىن سۇراپ, تەز ساۋىعىپ كەتۋٸن تٸلەدٸ.
«ٶڭٸردٸڭ ەپيدەميولوگييالىق جاعدايى ايتارلىقتاي كٷردەلٸ. ەرينە, بٸز تيٸستٸ شارالاردى قابىلداپ جاتىرمىز. ەڭ باستىسى – پاندەمييانىڭ بٸرٸنشٸ تولقىنىنداعى قاتەلٸكتەردٸ قايتالاماۋىمىز كەرەك. ەمدەۋ مەكەمەلەرٸنٸڭ ماتەريالدىق-تەحنيكالىق بازاسىن نىعايتۋعا از قارجى اۋدارىلعان جوق. دەرٸلٸك زاتتارمەن قامتاماسىز ەتۋ مەسەلەسٸ شەشٸلدٸ. مەن سٸزدەردٸڭ كەسٸبي بٸلٸكتٸلٸكتەرٸڭٸز بەن جانقييارلىقتارىڭىزعا شٷبە كەلتٸرمەيمٸن. ٶكٸنٸشكە قاراي بەرٸ دە ٶڭٸر تۇرعىندارىنا بايلانىستى. ەپيدەميولوگييالىق جاعدايدىڭ ناشارلاۋى اقتٶبەلٸكتەردٸڭ قاۋٸپسٸزدٸك شارالارىن ساقتاماۋىنىڭ سالدارىنان بولىپ وتىر. كٶپ نەرسە بٸزگە بايلانىستى», - دەپ اتاپ ٶتتٸ وبلىس ەكٸمٸ.
دەنساۋلىق ساقتاۋ باسقارماسىنىڭ باسشىسى رٷستەم يساەۆتٸڭ ايتۋىنشا, 41 مەديتسينالىق مەكەمە, سونىڭ ٸشٸندە 15 ينفەكتسييالىق ستاتسيونار, 21 العاشقى مەديتسينالىق-سانيتارلىق كٶمەك كٶرسەتۋ ۇيىمى, رەزەرۆتە بەس ستاتسيونار بار.
مەديتسينالىق مەكەمەلەردە 3063 تٶسەك-ورىن دايىن. قازٸرگٸ تاڭدا ينفەكتسييالىق ستاتسيونارلاردا 388 ادام ەم الىپ جاتىر. 36 ادام كارانتين ستاتسيونارىندا. اقتٶبە, حرومتاۋ, قاندىاعاش پەن شالقار قالالارىندا 19 توموگرافييا كابينەتٸ جۇمىس ٸستەيدٸ, 10 زەرتحانادا پتر دياگنوستيكاسى جاسالادى. ولاردىڭ قۋاتى تەۋلٸگٸنە 5380 تالداۋ جٷرگٸزۋگە مٷمكٸندٸك بەرەدٸ. ۆاكتسينا ەگۋ باستالعالى بەرٸ وبلىسقا 17800 دوزا ەكەلٸنٸپ, 7460 اقتٶبەلٸك ەگٸلدٸ.
