ورازا ۇستاعان ادامعا ۆاكتسينا الۋعا بولا ما? بۇل ساۋالعا قازاقستان مۇسىلماندارى دٸني باسقارماسى تٶراعاسىنىڭ ورىنباسارى, نايب مٷفتي ەرشات قاجى وڭعار جاۋاپ بەردٸ, دەپ حابارلايدى قازاقپارات.
«ەكپە سالدىرۋعا بولاتىن, بولمايتىنى ونىڭ قۇرامىنا بايلانىستى. ەكپەنٸڭ قۇرامىندا قورەكتٸك زات بولماۋ كەرەك. ياعني دەنساۋلىق جاعدايىندا ەم ٷشٸن الاتىن ۆاكتسينانى الۋعا رۇقسات. دەمەك ۆاكتسينا سالدىرۋ ورازانى بۇزبايدى», - دەپ قىسقا جاۋاپ قايتاردى نايب مٷفتي ەرشات قاجى وڭعار ورتالىق كوممۋنيكاتسييالار قىزمەتٸندە ونلاين ٶتكەن باسپاسٶز مەسليحاتىندا.
ودان بٶلەك, تٶراعا ورىنباسارى پٸتٸر ساداقا بەرۋگە قاتىستى پٸكٸر بٸلدٸردٸ.
«بيىل پٸتٸر ساداقا 500 تەڭگە بولىپ بەلگٸلەندٸ. ونىڭ قۇنى 2 كەلٸ ۇننىڭ نارىقتاعى باعاسىمەن تەڭەستٸرٸلدٸ. ەلٸمٸزدٸڭ بارلىق ٶڭٸرلەرٸ بويىنشا ۇننىڭ باعاسى سۇرالىپ, انىقتالدى. پٸتٸر ساداقا بەرۋگە كەلسەك, ونى ورازا باستالعان كٷننەن باستاپ, 30 كٷننٸڭ ٸشٸندە ٶتەگەن جٶن. ياعني ايت مەرەكەسٸنە دەيٸن, ورازا كٷندەرٸ بەرگەن ابزال», - دەيدٸ ول.
