رەجيسسەر سەبيت قۇرمانبەكوۆتٸڭ «ورالمان» كٶركەم فيلمٸ يتالييادا ٶتكەن حح حالىقارالىق «Religion Today» («بٷگٸنگٸ دٸن») كينوفەستيۆالٸندە «ٷزدٸك فيلم» جٷلدەسٸمەن ماراپاتتالدى. سونىمەن قاتار, اتالعان تۋىندى SIGNIS تەۋەلسٸز قازىلار القاسىنىڭ ارنايى جٷلدەسٸنە قول جەتكٸزدٸ (كوممۋنيكاتسييا جٶنٸندەگٸ ەلەم كاتوليكتەرٸ اسسوتسياتسيياسىنىڭ جٷلدەسٸ).
قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋديياسى تٷسٸرگەن اتالمىش فيلم تۋعان جەرٸنەن كەتۋگە مەجبٷر بولعان, الايدا ونداعان جىلدار ٶتكەن سوڭ اۋعانستاننان ەلٸنە قايتا ورالعان قانداستارىمىز جايلى باياندايدى.
بيىل حالىقارالىق «Religion Today» كينوفەستيۆالٸنٸڭ نەگٸزگٸ بايقاۋىندا 28 ەلدەن 41 تولىقمەتراجدى كارتينا باق سىنادى. فەستيۆالدٸڭ ٷزدٸك فيلمدەرٸن حالىقارالىق قازىلار القاسى انىقتادى. ولاردىڭ قۇرامىندا رەجيسسەر بەندجامين فرەيدەنبەرگ, سەربييالىق رەجيسسەر گوران رادوۆانوۆيچ, «كينوداعى بوسقىنداردىڭ ٷنٸ» باعدارلاماسىنىڭ ديرەكتورى بەرنادەتت شرامم جەنە باسقالار.
فەستيۆالدٸڭ باس جٷلدەسٸ يتالييالىق رەجيسسەر ەرماننو ولمانىڭ «كٶردٸڭدەر مە, مەن دە سەندەر سيياقتىمىن» اتتى كارتيناسىنا بۇيىردى. «ٷزدٸك قىسقامەترلٸ فيلم» جٷلدەسٸن لۋيزا روۋزدىڭ «چوپ» فيلمٸ يەلەندٸ, ال «ٷزدٸك دەرەكتٸ فيلم» جٷلدەسٸ يراندىق رەجيسسەر بەرۋز نۋرانيپۋردىڭ «ا 157» اتتى فيلمٸنە بەرٸلدٸ.
ودان بٶلەك, فەستيۆالدە حالىقارالىق قازىلار القاسىمەن بٸرگە SIGNIS تەۋەلسٸز قازىلار القاسى جۇمىس ٸستەدٸ. ونىڭ قۇرامىندا ماتتەو استي (يتالييا), گۋيدو كونۆەنتەس (بەلگييا), بلانكا مارييا مونزون (ارگەنتينا) جەنە ماگالي ۆان رەەت (فرانتسييا) بولدى.
تەۋەلسٸز قازىلار القاسىنىڭ مٷشەلەرٸ «ورالمان» فيلمٸنٸڭ رەجيسسەرٸ سەبيت قۇرمانبەكوۆكە ايرىقشا العىستارىن بٸلدٸرٸپ, بىلاي دەدٸ: «بۇل فيلم ورتالىق ازيياداعى ەڭ كەرەمەت فيلمدەردٸڭ بٸرٸ. قارييانىڭ اتاجۇرتىنا دەگەن ماحابباتى ەدەمٸ بەينەلەنگەن. ەگەر دە ەر بوسقىننىڭ جٷرەگٸندە اتا جۇرتقا ورالۋعا دەگەن ٷمٸت بولسا, قيىندىقتارعا قاراماستان, ماقساتىنا جەتە الادى».
ەستەرٸڭٸزگە سالا كەتسەك, «ورالمان» كٶركەم فيلمٸ وسى جىلدىڭ باسىندا يراننىڭ استاناسى تەگەراندا ٶتكەن 35-شٸ حالىقارالىق فادجر كينوفەستيۆالٸ مەن XIII حالىقارالىق «ەۋرازييا» كينوفەستيۆالٸنٸڭ باس جٷلدەسٸن جەڭٸپ العان بولاتىن. فيلمدە باستى رٶلدٸ سومداعان اكتەر دۋلىعا اقمولدا قىركٷيەك ايىندا تاتارستاندا ٶتكەن XIII حالىقارالىق مۇسىلماندار كينوسى فەستيۆالٸندە «ٷزدٸك ەر ادام رٶلٸ» جٷلدەسٸمەن ماراپاتتالدى.
ايتا كەتسەك, «ورالمان» كٶركەم فيلمٸ حالىقارالىق پروكاتقا شىعىپ, شەتەلدەردە كٶرسەتٸلٸپ جٷر. بۇل فيلمدٸ بٸرٸنشٸ بولىپ اۆسترالييانىڭ تالعامپاز كٶرەرمەندەرٸ تاماشالادى. كەلەسٸ جىلدىڭ باسىنان باستاپ «ورالمان» فيلمٸ يتالييادا پروكاتقا شىعاتىن بولادى.
