قازاقستاندا "ورالمان" تەرمينٸن زاڭدىق تۇرعىدا قانداس دەگەن ۇعىمعا اۋىستىرۋ جوسپارلانىپ وتىر. بٷگٸن مەجٸلٸس كٶشٸ-قون پروتسەستەرٸنە تولىقتىرۋلار مەن ٶزگەرٸستەر ەنگٸزۋ تۋرالى زاڭ جوباسى بٸرٸنشٸ وقىلىمدا ماقۇلدادى, دەپ حابارلايدى Sputnik قازاقستان.
"پرەزيدەنت "ورالمان" سٶزٸنە قاتىستى ٶز پوزيتسيياسىن بٸلدٸرٸپ, تەرميندٸ "قانداس" ۇعىمىمەن اۋىستىرۋ تۋرالى تاپسىرما بەردٸ. سوندىقتان زاڭ جوباسىندا بۇل نورما كەلٸسٸلگەن. ەگەر زاڭ بولاشاقتا قابىلدانىپ جاتسا, "ورالمان" تٷسٸنٸگٸ "قانداس" سٶزٸمەن الماستىرىلادى", - دەدٸ ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ مەجٸلٸس كۋلۋارىندا.
جۋرناليستەر مينيستردەن "ورالمان" تەرمينٸن اۋىستىرۋ قاجەتتٸلٸگٸ نەدەن تۋىنداعانىن دا سۇرادى.
"بۇل جۇرتشىلىقتىڭ ۇسىنىسى بولاتىن. سوعان قاراعاندا, وسى جىلدار ٸشٸندە تەرمينگە قاتىستى وڭ كٶزقاراس قالىپتاسپاعان سىڭايلى. سول سەبەپتٸ وسىنداي تاپسىرما بەرٸلدٸ. مەن ونى قولدايمىن", - دەدٸ ۆەدومستۆو باسشىسى.
وسى ورايدا نۇرىمبەتوۆ ٶزٸنە قاي سٶز جاقىن ەكەنٸن دە ايتتى.
"مەن, مەسەلەن, ەشقاشان ورالمان دەپ سٶيلەمەيمٸن. قانداس دەپ ايتامىن. ول ماعان كٸشكەنە جاقىنداۋ", - دەپ اعىنان جارىلدى مينيستر.
ايتۋىنشا, ەگەر زاڭ قابىلدانسا, وندا 10 زاڭ مەن 7 كودەكسكە ٶزگەرٸس ەنگٸزٸلەدٸ. ياعني, "ورالمان" تەرمينٸ بارلىق قۇجاتتا "قانداس" سٶزٸمەن الماستىرىلادى.
مەجٸلٸس دەپۋتاتتارى "ورالمان" ۇعىمىن "قانداس" دەپ اۋىستىرۋدى كٶزدەيتٸن زاڭ جوباسىن بٷگٸن بٸرٸنشٸ وقىلىمدا ماقۇلدادى.
