ورالدىق تۇرعىننىڭ ٷي الامىن دەپ جيناعان 5 ملن-عا جۋىق تەڭگەسٸ قولدى بولدى, دەپ حابارلايدى "ۇلت اقپارات".
ورال قالاسى پوليتسييا باسقارماسى مەلٸم ەتكەنٸندەي, وقيعا 12 قازان كٷنٸ زاچاگان كەنتٸندە بولدى.
كٷندٸزگٸ ساعات 11.00 مەن 14.30 ارالىعىندا تۇمار حانىم كٶشەسٸ بويىنداعى جەكە ٷيدەن 5 ملن-عا جۋىق تەڭگە ۇرلاندى.
ۇرى ٷيدە ەشكٸم جوعىن بايقاپ, ەسٸكتٸڭ قۇلپىن سىندىرىپ اشىپ, ٸشكە ەمٸن-ەركٸن كٸرگەن. ٷي يەسٸنٸڭ پەتەر الامىن دەپ جيناعان اقشاسىن جىمقىرىپ, بوي تاسالاعان.
شاعان پوليتسييا بٶلٸمٸنٸڭ قىزمەتكەرلەرٸ جٷرگٸزگەن جەدەل ٸزدەستٸرۋ شارالارى بارىسىندا اقجايىق اۋدانىنىڭ ەش جەردە جۇمىس جاسامايتىن 24 جاستاعى تۇرعىنى 10 ساعات ٸشٸندە قولعا تٷستٸ. ول ۇرلىق جاساعانىن مويىندادى. قارجى ٷي يەسٸنە قايتارىلدى. سونداي-اق قولدى بولعان كورپۋسى قوڭىر تٷستٸ «نوكييا» ماركالى ۇيالى تەلەفون دا تەركٸلەندٸ.
