ورالداعى ٸرٸ ساۋدا ورىندارىنىڭ بٸرٸ – "موسكوۆسكيي" كيٸم-كەشەك, زاتتار ساتاتىن بازارىنىڭ جەتپٸستەي ساتۋشىسى سانيتارلىق دەرٸگەرمەن كەزدەسۋگە جينالىپ, بازاردىڭ اشىلۋىن تالاپ ەتتٸ.
– كارانتيندٸ جەڭٸلدەتە باستاعاندا بٸزگە 18 مامىردان باستاپ بازارىمىز اشىلادى دەگەن ەدٸ. وبلىستىق ەكٸمدٸكتٸڭ ٶكٸلدەرٸمەن حات-حابار الىسىپ, وبلىستىڭ باس سانيتارلىق دەرٸگەرٸ [مۇحامعالي] ارىسپاەۆپەن دە جەكە سٶيلەستٸم. بٸراق بارلىق ۋەدەگە قاراماستان "موسكوۆسكيي" بازارى ەلٸ جابىق, - دەيدٸ بازارداعى ورىنداردىڭ بٸرٸن جالعا العان كەسٸپكەر اسلان ٶتەپوۆ.
ٶتەپوۆتٸڭ سٶزٸنشە, 300-دەن استام كەسٸپكەردٸڭ شەتەلدەن ەكەلگەن ماۋسىمدىق تاۋارلارى تۇرىپ قالىپ, شىعىنعا باتىپ جاتىر. ول كارانتين كەزٸندە كرەديتتەردٸ تٶلەۋ ۋاقىتى كەيٸنگە شەگەرٸلگەنٸن, بٸراق جاقىندا بانكتەر نەسيەنٸ تٶلەۋدٸ تالاپ ەتە باستايتىنىن, كٶبٸندە ونى تٶلەيتٸن تابىس جوعىن ايتادى.
- كٶبٸنٸڭ ەكٸ ساتۋشىسى بار. ولار ەكٸ اۋىسىممەن جۇمىس ٸستەيدٸ. قازٸر بارلىعى جالاقىسىز قالدى. ٷش ايداي بولدى, ٷيدە تابىسسىز وتىر, - دەيدٸ ول.
بازاردىڭ ٶكٸلٸ ەلەنا كارمەەۆا "بازار اشىلادى دەپ حابارلاعان سوڭ ماسكا, قولعاپ, سانيتايزەرلەر ساتىپ العان ەدٸك. بٸراق بٸزدٸڭ بازار ەلٸ جابىق. تەكسەرۋشٸلەرگە نە جاقپاي قالعانى بەلگٸسٸز. بٸزگە بٸرنەشە رەت تەكسەرٸس كەلٸپ كەتكەن" دەيدٸ.
كارمەەۆانىڭ سٶزٸنشە, بازار يەسٸ دە قازٸر ميلليونداعان شىعىنعا ۇشىراعان, سەبەبٸ كەسٸپكەرلەردەن جالعا الۋ اقشاسىن جيناپ جاتقان جوق.
بازار ساتۋشىلارىمەن ورال قالاسىنىڭ باس سانيتارلىق دەرٸگەرٸ مەدەنيەت تاناۋوۆ كەزدەستٸ. سٶزٸنشە, بازاردى اشۋ ٷشٸن ماسكا مەن قولعاپ قورى, ال ەر ساتۋشىدا جەكە سانيتايزەر بولۋ كەرەك.
- ەر كٸرەبەرٸسكە بارلىق كەلۋشٸگە ارنالعان ورتاق سانيتايزەر بولۋ كەرەك. ال ٸشٸندەگٸ ورىنداردىڭ ٸشٸن جيٸ جەلدەتٸپ تۇرۋ كەرەك. بارلىق دەرەتحانادا سابىن, بٸر رەت قولدانىلاتىن ورامال نە قول كەپتٸرەتٸن قۇرىلعى بولۋى شارت. وسى تالاپتار ورىندالسا, بازار جاقىندا اشىلۋى مٷمكٸن. سانيتارلىق دەرٸگەرلەر, ساتۋشىلار مەن ەكٸمدٸك ٶكٸلدەرٸ كٸرەتٸن جۇمىس توبىن جيناپ جاتىرمىز. ولار تەكسەرٸس جٷرگٸزەدٸ. بٸر-ەكٸ كٷننٸڭ ٸشٸندە تەكسەرەمٸز دەپ ويلايمىن. ودان كەيٸن شەشٸم قابىلدايمىز, - دەدٸ ول.
ٶتەپوۆ جەنە تاعى بٸرنەشە كەسٸپكەر سانيتارلىق دەرٸگەرمەن كەزدەسۋدەن كەيٸن وبلىس ەكٸمٸ عالي يسقاليەۆپەن كەزدەسۋگە جازىلۋ ٷشٸن ايماق ەكٸمدٸگٸنە بەت الدى.
- ەگەر بٸزدٸڭ بازار اشىلماسا, ساتۋشىلار, جالعا العاندار جينالىپ, ەكٸمدٸككە بارامىز. ول كەزدە قاتارىمىزدا جٷزدەگەن ادام بولادى. بٸز كونستيتۋتسيياداعى بەيبٸت جيىن قۇقىعىمىزدى پايدالانامىز, - دەدٸ ٶتەپوۆ.
بقو كوروناۆيرۋس تاراۋىنا بايلانىستى 30 ناۋرىزدان بەرٸ كارانتين جارييالانىپ, وبلىس ٸشٸندەگٸ قوزعالىسقا شەكتەۋ قويىلعان. وبلىستاعى كارانتين شەكتەۋلەرٸ 12 مامىردان باستاپ ٷش كەزەڭ بويىنشا جەڭٸلدەتۋ جوسپارلانعان. ٷشٸنشٸ كەزەڭ 25 مامىرعا بەلگٸلەنگەن ەدٸ, بٸراق ايماقتا ۆيرۋس جۇقتىرعاندار سانى كٷرت ارتقاندىقتان, كارانتين 15 ماۋسىمعا دەيٸن سوزىلدى.
26 مامىرداعى رەسمي دەرەككە ساي, بقو-دا 452 ادامنان كوروناۆيرۋس تابىلدى. 25 مامىردا 38 ادامعا ۆيرۋس جۇققان. جەرگٸلٸكتٸ بيلٸك دەرتكە شالدىققانداردىڭ كٶبٸ رەسەيدەن كەلگەندەر دەپ وتىر.
