ورالدا جەرگٸلٸكتٸ كەسٸپكەر ەركٸن مۇحانعاليەۆتٸ ٶلتٸردٸ دەگەن ەكٸ كٷدٸكتٸگە قاتىستى بۇلتارتپاۋ شاراسىن تاڭداۋ بويىنشا سوت وتىرىسى ٶتتٸ, - دەپ حابارلايدى Tengrinews.kz اگەنتتٸگٸ "موي گورود" باسىلىمىنا سٸلتەمە جاساپ.
سوت وتىرىسىندا تەرگەۋشٸ 31 جاستاعى رۋسلان قوجانتاەۆ پەن 21 جاستاعى تۇرلان امانگەلدٸنٸ قاماۋعا الۋدى سۇرادى. ٸس ماتەريالدارىنا سٷيەنسەك, كٷدٸكتٸلەر "راحات لۋكۋم" كاراوكە مەيرامحاناسى عيماراتىندا مەكەمە يەسٸ مۇحانعاليەۆپەن كەزدەسكەن. ولاردىڭ اراسىندا جانجال تۋىنداپ, سودان كەيٸن قوجانتاەۆ پىشاعىن شىعارىپ, كەسٸپكەردٸڭ مويىن مەن كەۋدە تۇسىنا كەم دەگەندە ٷش رەت سوققى جاساعان. سول كەزدە امانگەلدٸ پىشاعىن الىپ شىعىپ, قوقان-لوققى كٶرسەتٸپ, مەكەمە ەكٸمشٸسٸنە كەدەرگٸ بولعان.
"مۇحانعاليەۆ اشىق تۇرعان تەرەزەدەن سەكٸرٸپ كەتپەك بولعان. سول كەزدە قوجانتاەۆ ونىڭ بەلٸنە بٸرنەشە رەت سوققى بەرگەن. سوسىن جارالانعان مۇحانعاليەۆ ورتالىق ستاديونعا قاراما-قارسى تۇرعان كٶلٸك تۇراعىنا جٷگٸرگەن. كٷدٸكتٸلەر ونى قۋىپ جەتٸپ, امانگەلدٸ ونى جەرگە قۇلاتىپ, بٸرنەشە رەت تەپكەن. وسى كەزدە قوجانتاەۆ جٷگٸرٸپ كەلٸپ, ودان پىشاق سۇرايدى. امانگەلدٸ وعان پىشاعىن بەرەدٸ, ول تاعى التى رەت پىشاقتايدى. مۇحانعاليەۆ العان جاراقاتتارىنان وقيعا ورنىندا قازا بولادى. قوجانتاەۆ پەن امانگەلدٸ قىلمىس جاساعان جەردەن قاشىپ كەتكەن", - دەدٸ پروكۋرور تەجعاليەۆا.
ساراپشىنىڭ ايتۋىنشا, مۇحانعاليەۆتٸڭ ٶلٸمٸنە مويىن, كەۋدە جەنە بەل ايماعىنداعى پىشاق جاراقاتتارى, سونىمەن قاتار سول جاق ۇيقى ارتەريياسى مەن وڭ بٷيرەكتٸڭ زاقىمدانۋى, ماڭداي سٷيەكتەرٸنٸڭ سىنۋى سەبەپ بولعان.
"قوجانتاەۆ پەن امانگەلدٸنٸڭ تۇراقتى تابىس كٶزٸ جوقتىعىن, اسا اۋىر قىلمىس جاساعانىن, سودان كەيٸن قىلمىستىق قۋدالاۋ ورگاندارىنان جاسىرىنعانىن ەسكەرە وتىرىپ, ولاردىڭ جاسىرىنۋى جەنە وبەكتيۆ تەرگەۋگە كەدەرگٸ كەلتٸرۋٸ, جەبٸرلەنۋشٸلەر مەن كۋەگەرلەرگە قىسىم كٶرسەتۋٸ مٷمكٸن ەكەنٸنە جەتكٸلٸكتٸ نەگٸز بار. سوتتان پوليتسييا بٶلٸمٸ تەرگەۋشٸسٸنٸڭ ٶتٸنٸشٸن قاناعاتتاندىرىپ, قوجانتاەۆ پەن امانگەلدٸنٸ ەكٸ ايعا قاماۋعا الۋدى سانكتسييالاۋدى سۇرايمىن", - دەدٸ مەملەكەتتٸك ايىپتاۋشى.
رۋسلان قوجانتاەۆتىڭ ٶزٸ تەرگەۋ دەلەلدەرٸمەن كەلٸسپەدٸ. ول ەكٸ ەيەلٸ (بٸرەۋٸ جٷكتٸلٸكتٸڭ سوڭعى ايىندا), بالالارى جەنە ٷيٸ بار ەكەنٸن ايتتى. ەر ادام سوتتان ٶزٸن ەكٸ ايعا قاماۋعا الماۋدى سۇرادى.
بۇل رەتتە تۇرلان امانگەلدٸ سوتتا قوجانتاەۆ قىسىم كٶرسەتكەنٸن, سول كٷنٸ ونىمەن بٸرگە بارۋعا مەجبٷر بولعانىن ايتتى. ەكٸ ايىپتالۋشىنىڭ دا بۇرىن سوتتىلىعى بولماعان. سۋديا سانكتسيياسى بويىنشا, قوجانتاەۆ پەن امانگەلدٸ ەكٸ ايعا قاماۋعا الىندى. تەرگەۋ بارىسىندا ايىپتالۋشى قاماۋدا بولادى.
ەسكە سالايىق, بۇعان دەيٸن ورالدا بٸرنەشە دەمحانا مەن مەيرامحانانىڭ يەسٸ بولعان بەلگٸلٸ كەسٸپكەر ٶلتٸرٸلگەنٸ حابارلانعان ەدٸ. بەينەباقىلاۋ كامەرالارىنا ەكٸ جٸگٸت قاشىپ بارا جاتقانى, بٸرٸنٸڭ قولى قان بولعانى تٷسٸپ قالعان.
