ورالداعى ەۋرازييا داڭعىلىنا ۇلى ابايدىڭ ەسٸمٸن بەرۋ ۇسىنىلدى, دەپ حابارلايدى "ۇلت اقپارات".
بٷگٸن ورال قالالىق ونوماستيكالىق نىسانداردىڭ تاريحي جەنە دەستٷرلٸ اتاۋلارىن قالپىنا كەلتٸرۋ بويىنشا ۇسىنىستاردى زەردەلەۋ جەنە پىسىقتاۋ جٶنٸندەگٸ جۇمىس توبىنىڭ كەڭەيتٸلگەن وتىرىسى بولىپ, وندا اتالعان مەسەلە بٸراۋىزدان قولداۋ تاپتى.
جيىندى جٷرگٸزگەن قالا ەكٸمٸ ابات شىنىبەكوۆتٸڭ اتاپ ٶتكەنٸندەي, پرەزيدەنت قاسىم-جومارت توقاەۆتىڭ تاپسىرماسىنا سەيكەس بيىل ابايدىڭ 175 جىلدىعى كەڭٸنەن تويلانۋدا.
كەشە ابايدىڭ مەرەيتويىنا ارنالعان شارالار ورال تٶرٸندە سالتاناتپەن اشىلسا, بٷگٸن قازاقستان جازۋشىلار وداعى بقو فيليالىنان ەۋرازييا داڭعىلىنا ابايدىڭ ەسٸمٸن بەرۋ تۋرالى ۇسىنىس تٷستٸ.
«مەملەكەت باسشىسىنىڭ تاپسىرماسىمەن, حالىقتىڭ قولداۋىمەن ابايدىڭ 175 جىلدىعى ەلٸمٸزدە جوعارى دەڭگەيدە اتالىپ ٶتٸلۋدە. بارلىق ۇلتتىڭ ۇلىلارى سيياقتى, ابايدىڭ دا ەسٸمٸن جاڭعىرتا بەرۋگە تيٸسپٸز. اباي قاي عاسىردا دا جاساي بەرەدٸ, ول مەڭگٸلٸك. كەڭەس دەۋٸرٸندە ابايدىڭ ەكەسٸ قۇنانباي باي بولعاندىقتان, تٶرگە وزا المادى. اقىن دەپ ايتىلعانمەن, ۇلتتىڭ ۇلى پەرزەنتٸ رەتٸندە تانىلعان جوق. ەندٸ ەلٸمٸز تەۋەلسٸز بولعاننان كەيٸن ورالداعى كٷرەتامىر كٶشەنٸڭ بٸرٸ – ەۋرازييا داڭعىلىن ابايدىڭ ەسٸمٸمەن اتاساق, جاراسادى دەپ سەنەمٸز», دەدٸ بەلگٸلٸ اقىن, مەملەكەتتٸك سىيلىقتىڭ يەگەرٸ, قازاقستان جازۋشىلار وداعى بقو فيليالىنىڭ باسشىسى اقۇشتاپ باقتىگەرەەۆا.
ا.باقتىگەرەەۆانى فيلولوگييا عىلىمدارىنىڭ دوكتورى, پروفەسسور مۇرات سابىر, ورال قالالىق قوعامدىق كەڭەسٸنٸڭ تٶراعاسى باقىتجان نۇرباەۆ, «يايك-ۋرال كازاكتارى وداعى» قوعامدىق بٸرلەستٸگٸنٸڭ جەتەكشٸسٸ ۆياچەسلاۆ سولوديلوۆ, شاھارداعى №17 ورتا مەكتەپتٸڭ ديرەكتورى تامارا رۋديچ جەنە باسقالار قولدادى.
ۇسىنىستى جيىنعا قاتىسقان اتالعان جۇمىس توبى مەن قالالىق قوعامدىق كەڭەس مٷشەلەرٸ, قالالىق مەسليحات دەپۋتاتتارى دا ماقۇلدادى.
