ورالدا كەلٸن, وڭتٷستٸك كورەياداعى كٷيەۋ مەن كٶكشەتاۋداعى اتا-انا. مٸنە وسىنداي جاعدايدا قازاقستاندىقتان zoom-پلاتفورماسى ارقىلى توي جاسادى, دەپ حابارلايدى قازاقپارات.
دٷيسەنوۆتار وتباسىندا ٷش بالا بار. ەكٸ ۇل مەن قورلان اتتى بٸر قىز بار. قورلاندى بٷكٸل قازاقى دەستٷرمەن ۇزاتۋ جوسپارلانعان ەدٸ. دۋماندى جيىن مەن توي كٶيلەگٸن بويجەتكەننٸڭ ٶزٸ دە اڭساعان بولاتىن. تويدىڭ ٶتەتٸنٸن ٶتكەن جىلى جوسپارلاپ قويىپ, تٸپتٸ تويحانامەن دە كەلٸسٸلگەن. ارتىنشا توي شٸلدەگە شەگەرٸلٸپتٸ. اقىرى ەلدەگٸ احۋالعا بايلانىستى توي ٶتپەي قالعان.
«كٶيلەكتٸ استانادان الدىردىم. بەرٸ دايىن ەدٸ. الايدا پاندەميياعا بايلانىستى تويدى ٶتكٸزبەۋ تۋرالى شەشٸم قابىلداندى», - دەيدٸ قورلان دٷيسەنوۆا.
توي 17 شٸلدەدە ٶتۋٸ تيٸس ەدٸ. مەيرامحاناعا الدىن الا تٶلەم جٷرگٸزٸلٸپ قويعان. قوناقتار دا الدىن الا شاقىرىلعان. شامامەن 180-200 ادامنىڭ كەلەتٸنٸ جوسپارلانعان. ەيتسە دە توي ەڭ جاقىن تۋعان-تۋىستىڭ قاتىسۋىمەن ٶتكٸزٸلٸپ وتىر.
پاندەمييا بٷكٸل جوسپاردى بۇزعانىمەن توي ٶتكٸزۋگە كەدەرگٸ كەلتٸرە الماپتى. كٶكشەتاۋ, نۇر-سۇلتان, الماتى, وڭتٷستٸك كورەيا – ەل ٸشٸ مەن شەتەلدەگٸ قوناقتىڭ بارلىعى zoom-پلاتفورماسى ارقىلى جاستاردى قۇتتىقتادى.
«كٷيەۋ بالامەن ينتەرنەت ارقىلى تانىسقانبىز. توي باعدارلاماسىن بەرٸنە WhatsApp ارقىلى جولدادىق. اسابا ونلاين-تويدى تۇڭعىش رەت ٶتكٸزسە دە بٸردەن الىپ كەتتٸ. بەرٸ كەرەمەت بولدى», - دەيدٸ قورلاننىڭ اناسى نۇرگٷل قازيموۆا.
قورلاننىڭ اتا-اناسى بەرٸ دە قازاقى جولمەن ٶتۋٸ كەرەكتٸگٸن قالاپتى.
«قۇدا تٷسۋ, سىرعا سالۋ... ٸزٸنشە بەرٸمٸز دە ورتاق ويعا كەلگەن جٶن دەپ شەشتٸك. ونلاين تويعا بەرٸ كەلٸستٸ. ەۋ باستا ونلاين-توي تۋرالى ەزٸلدەسە ەڭگٸمە ايتاتىن ەدٸك. بٸراق كەيٸن شىنىندا دا ونى ٶتكٸزۋگە بولاتىنىن بٸلدٸك. سىرعانى الدىن الا جولدادى. جەڭگەلەرٸم دەستٷرگە ساي بٶلمەمە كٸرٸپ, سىرعامدى تاعىپ بەردٸ», - دەيدٸ قورلان دٷيسەنوۆا.
نۇرگٷل قازيموۆا قۇدالار تاراپىنان دا قارسىلىق بولماعانىن ايتادى.
«باسىندا تەۋەكەلگە بارىپ قايتەمٸز دەپ ويلاعان ەدٸك. قۇدالارىمىز كٶكشەتاۋدان كەلۋٸ كەرەك ەدٸ. پويىزبەن كٶپ ادامنىڭ كەلەتٸنٸ جوسپارلانعان. ونلاين ٶتكٸزۋ تۋرالى ۇسىنىسقا ولار دا كەلٸسە كەتتٸ», - دەيدٸ ول.
كٷيەۋ بالا كٶكشەتاۋدان ەكەن. ەكەسٸ قۇدالارىن بٸرٸنشٸ رەت ونلاين كٶرٸپ وتىر. سالت بويىنشا جاستاردىڭ ٷي بولۋ تۋرالى تالاپ-تٸلەگٸن ورىنداۋدى سۇرايدى. جاستار نازارباەۆ ۋنيۆەرسيتەتٸندە تانىسىپتى. ونداعى وقۋدى اياقتاعاننان كەيٸن ەلەمنٸڭ ەكٸ ەلٸندە وقۋلارىن جالعاستىرىپتى. قورلان امەريكادا بولسا, جولداسى وڭتٷستٸك كورەيادا.
قورلاننىڭ ايتۋىنشا كٷيەۋٸنٸڭ ەلگە كەلۋگە مٷمكٸندٸگٸ بولعان. بٸراق وڭتٷستٸك كورەيادان شىققانعا دەيٸن, شىققاننان كەيٸن ەكٸ رەت پتر-تەست تاپسىرىپ, 14 كٷندٸك كارانتينگە جاتقىزىلاتىندىقتان ۋاقىت ٶتٸپ كەتەدٸ.
«ەۋەجايلار قاۋٸپتٸ بولىپ تۇر. سول سەبەپتٸ تەۋەكەلگە بارماعان جٶن دەپ شەشتٸك», - دەدٸ قورلان.
بٸر ايدان كەيٸن قورلان وڭتٷستٸك كورەياعا بارادى. ول حيمييا عىلىمدارىنىڭ دوكتورى دەرەجەسٸن الۋدى كٶزدەيدٸ ەكەن. سونداعى ەلشٸلٸكتە جاستار نەكەنٸ تٸركەۋدٸ جوسپارلاپ وتىر. ال قۇدالاسقان قۇدالار ەلدەگٸ ەپيدەميولوگييالىق احۋال جاقسارعاننان كەيٸن كٶرٸسپەك.
