ورالدا جٷك پويىزى ەر ادامدى قاعىپ كەتتٸ, دەپ حابارلايدى "ۇلت اقپارات".
قر ٸٸم كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 12 ناۋرىز كٷنٸ كەشكٸسٸن لوكوموتيۆ دەپوسىنىڭ ورال ستانساسىنا كٸرەبەرٸس تۇسىندا بولدى.
ساعات 19.05-تە ورال ستانساسى جەلٸلٸك پوليتسييا بٶلٸمٸنٸڭ كەزەكشٸ بٶلٸمٸنە جٷك پويىزىنىڭ ادامعا سوقتىعىسۋىنا بايلانىستى شۇعىل تەجەۋدٸڭ قولدانىلعانى جٶنٸندە حابار كەلٸپ تٷستٸ.
اتالعان دەرەك قىلمىستىق كودەكستٸڭ 344-بابى 1-بٶلٸگٸ, ياعني تەمٸرجول كٶلٸگٸ جٷرٸسٸ نەمەسە ولاردى پايدالانۋ قاۋٸپسٸزدٸگٸ قاعيدالارىن بۇزۋ بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸندە تٸركەلدٸ.
«وقيعا ورنىنا ورال ستانساسىنداعى جەلٸلٸك پوليتسييا بٶلٸمٸنٸڭ جەدەل تەرگەۋ توبى شىقتى. تەكسەرۋ بارىسىندا ورال قالاسىنىڭ تۇرعىنى ەكەندٸگٸ انىقتالدى. ازاماتقا قاتىستى قر ەكٸمشٸلٸك قۇقىقبۇزۋشىلىق كودەكسٸ 559-بابى 5-بٶلٸگٸمەن, ياعني بەلگٸلەنبەگەن جەرلەردە تەمٸرجول ارقىلى ٶتۋ بويىنشا ەكٸمشٸلٸك حاتتاما تولتىرىلدى. وعان جەدەل تٷردە العاشقى مەديتسينالىق كٶمەك كٶرسەتٸلدٸ. قازٸر جاعدايى بٸرقالىپتى», - دەپ حابارلادى ۆەدومستۆودان.
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, جەدەل جەردەم ساعات 19.06-دا شاقىرىلىپ, بريگادا بەس مينۋتتان كەيٸن جەتتٸ. ماس كٷيٸندە بولعان 1968 جىلعى ەر ادام وبلىستىق اۋرۋحاناعا جەتكٸزٸلدٸ. جاعدايى قاناعاتتانارلىق, سول اياعى كٶگەرگەن.
