ورالدا 5517-ەسكەري بٶلٸم جاۋىنگەرٸ يسا نۇرعاليەۆ جول اپاتىنا تٷسكەن جٷرگٸزۋشٸگە مەديتسينالىق جەردەم كٶرسەتٸپ, قۇتقارىپ قالدى, دەپ حابارلايدى قازاقپارات.
قر ۇلتتىق ۇلانى «باتىس» ٶڭٸرلٸك قولباسشىلىعى باسپاسٶز قىزمەتٸنٸڭ باستىعى, پودپولكوۆنيك ەربولات سۇلتانوۆتىڭ مەلٸم ەتكەنٸندەي, وقيعا 11 قىركٷيەك كٷنٸ ساعات 19.30 شاماسىندا «ورال» حالىقارالىق ەۋەجايى ماڭىندا بولدى.
ٷلكەن جىلدامدىقپەن كەلە جاتقان «ۆاز-2114» اۆتوكٶلٸگٸنٸڭ جٷرگٸزۋشٸسٸ رۋلگە يە بولا الماي, سونىڭ سالدارىنان بٸرنەشە رەت اۋدارىلىپ تٷسكەن. جٷرگٸزۋشٸ اۆتوكٶلٸككە قىستىرىلىپ قالىپ, ٶزدٸگٸنەن شىعا الماعان.
سول سەتتە 5517-ەسكەري بٶلٸم كومانديرٸنٸڭ ورىنباسارى, مايور مەلس دۋلاتباەۆ پەن كەلٸسٸمشارتپەن قىزمەت ەتەتٸن ەسكەري بٶلٸم مەديتسينالىق پۋنكتٸنٸڭ مامانى, قاتارداعى جاۋىنگەر يسا نۇرعاليەۆ «سۇڭقار» وقۋ ورتالىعىنان قايتىپ كەلە جاتقان. ولار وقيعا ورنىنا شۇعىل جەتٸپ, قىستىرىلىپ قالعان ەر ادامدى بوساتىپ العان. سودان كەيٸن يسا نۇرعاليەۆ جەدەل جەردەم كەلگەنگە دەيٸن زارداپ شەگۋشٸگە العاشقى دەرٸگەرلٸك كٶمەك كٶرسەتكەن.
«جٷرگٸزۋشٸ اشىق باس-مي جاراقاتىن الىپ, ەدەۋٸر قان جوعالتقان ەكەن, قان قىسىمى دا تٶمەن بولدى. قيىن جاعدايدا قالعان ادامعا جەردەم بەرۋ بەرٸمٸزدٸڭ بورىشىمىز دەپ بٸلەمٸن», دەدٸ يسا نۇرعاليەۆ.
ادام ٶمٸرٸن قۇتقارۋ كەزٸندە كٶرسەتكەن كەسٸبي قىزمەتٸ ٷشٸن ي.نۇرعاليەۆ «باتىس» ٶڭٸرلٸك قولباسشىسىنا ىنتالاندىرۋعا ۇسىنىلدى.
«قازٸرگٸ كەزدە جاراقات العان جٷرگٸزۋشٸ وبلىستىق اۋرۋحانادا جاتىر, جاعدايى ورتاشا», دەدٸ ە. سۇلتانوۆ.
