"سۆوي دوم" كووپەراتيۆٸنٸڭ سالىمشىلارى كومپانييا كەڭسەسٸ الدىندا تۇر. ورال, 10 جەلتوقسان 2021 جىل.
ورالدا "سۆوي دوم" تۇرعىن ٷي كووپەراتيۆٸنٸڭ 20-دان استام سالىمشىسى 10 جەلتوقساندا كومپانييا كەڭسەسٸنە بارىپ, اقشالارىن قايتارۋدى تالاپ ەتتٸ. جينالعانداردىڭ سٶزٸنە قاراعاندا, كووپەراتيۆتٸڭ كەيبٸر مٷشەلەرٸ سوتقا دا جٷگٸنگەن. كەيبٸرٸنٸڭ قولىندا كووپەراتيۆتٸ اقشانى قايتارۋعا مٸندەتتەگەن سوت شەشٸمدەرٸ بار. كومپانييا ٶكٸلدەرٸنٸڭ ايتۋىنشا, رەابيليتاتسييا پروتسەسٸ جٷرٸپ جاتقاندىقتان, بۇل كەزەڭدە تٶلەم وپەراتسييالارى جٷرگٸزٸلمەيدٸ, دەپ جازادى ازاتتىق راديوسى.
جينالعانداردىڭ ٶكٸلٸ, زاڭگەر ۋلفات مۇقانوۆانىڭ ايتۋىنشا, سالىمشىلار ورتا ەسەپپەن 2-4 ملن تەڭگە ارالىعىندا اقشا سالعان. بٸراق اراسىندا ون ميلليون تەڭگەدەن استام قاراجات قۇيعان ازاماتتار دا بار. زاڭگەردٸڭ سٶزٸنشە, ۋەدە ەتٸلگەن باسپاناعا قول جەتكٸزە الماعاندار 50-دەن اسادى.
— 11 ملن تەڭگە جيناعانبىز. تٸرنەكتەپ جيناعان اقشالاردىڭ بەرٸن سالدىق, ساتاتىن نەرسەلەردٸڭ بەرٸن ساتتىق. ٷي العىمىز كەلدٸ. [كووپەراتيۆتەگٸلەر] ٷي تاپساڭىزدار, ساتىپ الىپ بەرەمٸز دەدٸ. 16,5 ملن تەڭگە تۇراتىن ٷي تاپتىق. جارتى اقشاسىن جينادىق. 2019 جىلى بولاتىن. قازٸر مۇنداي باعا جوق. ساتۋشىعا بارىپ, كەلٸستٸك. كووپەراتيۆتەگٸلەر وعان الدىن الا 1,5 ملن تەڭگە تٶلەپ قويعانىن ايتتى, – دەدٸ سالىمشىلاردىڭ بٸرٸ ازامات تاۋباەۆ.
سالىمشىنىڭ سٶزٸنە قاراعاندا, كووپەراتيۆتەگٸلەردٸڭ ۋەدەسٸنە قاراماستان ساتۋشى سول كٷيٸ ٷيدٸڭ اقشاسىن الا الماعان. سودان بەرٸ ازامات تاۋباەۆ 11 ملن تەڭگەسٸن قايتارۋعا كٷش سالىپ كەلەدٸ. جارتىسىنا جۋىعىن "داۋلاسىپ جٷرٸپ" قايتارا العان.
— كووپەراتيۆكە مٷشە ەربٸر سالىمشى تاڭداعان باعدارلاماعا قاراي العاشقى جارنانى تٶلەۋٸ تيٸس: بٸرەۋ 500 مىڭ, بٸرەۋ 600 مىڭ تٶلەيدٸ. سوسىن اي سايىن 30, 50, 60 مىڭ تەڭگەدەن قۇيىپ تۇرعان. بٸراق كەلٸسٸم-شارتتا باستاپقى جارنا قايتارىلمايدى دەپ جازىلعان. بۇل سوت شەشٸمٸندە دە بار. قالاي بولعاندا دا كووپەراتيۆ اقشاسىز قالمايدى. ال سالىمشىلار قايتارىلعان اقشاعا ٷي الا المايدى. ونىڭ ٶزٸندە قايتارىلسا دەڭٸز, – دەدٸ زاڭگەر ۋلفات مۇقانوۆا.
ونىڭ ايتۋىنشا, سالىمشىلار قيىن جاعدايدا قالعان, سەبەبٸ جىلجىمايتىن مٷلٸك قۇنى كەيٸنگٸ كەزدە شارىقتاپ كەتكەن. 2019 جىلى سالىمشىلاردىڭ باسىم بٶلٸگٸ اقشا سالا باستاعان كەزدە ورالدا بٸر بٶلمەلٸ پەتەر 6-7 ملن تەڭگە بولعان. قازٸر شامامەن 12 ملن تەڭگە تۇرادى.
"سۆوي دوم" تۇرعىن ٷي كووپەراتيۆٸنٸڭ تٶراعاسى - گٷلزارا ەركەناليەۆا
"سۆوي دوم" تۇرعىن ٷي كووپەراتيۆٸنٸڭ تٶراعاسى گٷلزارا ەركەناليەۆا "قىلمىستىق ٸس اياسىندا قولحات بەرگەندٸكتەن" تٷسٸنٸكتەمە بەرۋدەن باس تارتتى. قانداي باپ بويىنشا جەنە كٸمگە قوزعالعانىن دا ناقتىلامادى.
ونىڭ ايتۋىنشا, سالىمشىلار اقشانى قايتارۋدى جاپپاي تالاپ ەتە باستاعاندىقتان كووپەراتيۆ ازاماتتىق شاعىم تٷسٸرٸپ, رەابيليتاتسيياعا ۋاقىت سۇراعان. سول سەبەپتٸ كووپەراتيۆ سالىمشىلارعا اقشالارىن قايتارا المايدى دەدٸ ول.
