ورالدا تٷندە ٶرت شىققان كٶپقاباتتى ٷيدەن 83 ادام ەۆاكۋاتسييالاندى, دەپ حابارلايدى "ۇلت اقپارات".
باتىس قازاقستان وبلىسى تٶتەنشە جاعداي دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, 18 مامىر كٷنٸ ساعات 23.38-دە د.قوناەۆ اتىنداعى شاعىناۋداندا 67-ٷيدٸڭ 3-قاباتىندا ٶرت شىققانى جٶنٸندە 101 تەلەفونىنا حابار تٷستٸ.
وقيعا ورنىنا جەتكەن №1 مامانداندىرىلعان ٶرت سٶندٸرۋ بٶلٸمٸ بارلاۋ جٷرگٸزگەن كەزدە توعىز قاباتتى ٷيدٸڭ اتالعان پەتەرٸندە جەكە زاتتار مەن ديۆاننىڭ جالىن شارپىعانىن انىقتادى. سوندىقتان №2 مامانداندىرىلعان ٶرت سٶندٸرۋ بٶلٸمٸ مەن جەدەل قۇتقارۋ جاساعى كٶمەككە شاقىرتىلدى.
جەكە قۇرامنىڭ تەز قيمىلداۋى نەتيجەسٸندە ٶرت قىسقا ۋاقىتتا, 19 مامىردا ساعات 00.15-تە وقشاۋلانىپ, 00.25-تە سٶندٸرٸلدٸ.
ٷيدەن 83 ادام قاۋٸپسٸز جەرگە كٶشٸرٸلدٸ, سونىڭ 33-ٸ – جاسٶسپٸرٸم. سونىڭ ٸشٸندە 9 بالا جەدەل جەردەمگە تاپسىرىلدى.
قازٸرگٸ كەزدە ٶرتتٸڭ شىعۋ سەبەبٸ, كەلتٸرٸلگەن شىعىن, كٸنەلٸ ادامدار انىقتالىپ جاتىر.
