ورالداعى «اتامەكەن» ٶنەر ورتالىعىندا تەۋەلسٸزدٸكتٸڭ 30 جىلدىعىنا جەنە بٶكەي حاندىعىنىڭ 220 جىلدىعىنا ارنالعان «تەۋەلسٸزدٸك تولعاۋى» اتتى حالىقارالىق اقىندار ايتىسى مەرەگە جەتتٸ, دەپ حابارلايدى قازاقپارات اگەنتتٸگٸ.
ايتۋلى دوداعا قازاقستان عانا ەمەس, سونداي-اق قىتاي, موڭعولييا, قىرعىزستان ەلدەرٸنٸڭ اتىنان كەلگەن سايىسكەرلەر قاتىسىپ, باق سىنادى.
ايتىستى بەلگٸلٸ اقىن, «پاراسات» وردەنٸنٸڭ يەگەرٸ, قازاقستاننىڭ ەڭبەك سٸڭٸرگەن قايراتكەرٸ, حالىقارالىق ايتىس اقىندارى مەن جىرشى-تەرمەشٸلەر وداعىنىڭ تٶراعاسى جٷرسٸن ەرمان جٷرگٸزدٸ.
باتىس قازاقستان وبلىسىنىڭ ەكٸمٸ عالي ەسقاليەۆ بارشا جينالعان قاۋىمدى تەۋەلسٸزدٸك تويىمەن قۇتتىقتاپ, ايتىسكەرلەرگە العىسىن بٸلدٸرٸپ, بيىل جەتپٸس جاستىڭ بيٸگٸنە شىققان ج.ەرماننىڭ يىعىنا شاپان جاپتى.
ايتىس بارىسىندا ايبەك قاليەۆ, بەكارىس شويبەكوۆ, رٷستەم قايىرتاي, جانسايا مۋسينا سىندى تانىمال اقىندارمەن قاتار جاستار دا, بارلىعى 22 سايىسكەر ساحناعا شىقتى.
سولاردىڭ ٸشٸندە وسىنداي دەڭگەيدەگٸ ايتىسقا العاش رەت قوسىلعان باتىسقازاقستاندىق مەيٸرمان شەكەنوۆ اتىراۋلىق سىرىمبەك سەرسەنباەۆپەن ەدەمٸ ايتىستىڭ ٷلگٸسٸن كٶرسەتتٸ. قىرعىز اقىنى ازامات بولگونباەۆپەن سٶز سايىستىرعان تاعى بٸر باتىسقازاقستاندىق جارقىنبەك شىنتاەۆتى اتاپ ٶتۋگە بولادى.
بۇل ايتىستاعى تاعى بٸر جاڭالىق, قىرعىز ەلٸنٸڭ جاس ماناسشىسى ازيز بييمىرزا ۋۋلۋنىڭ ەيگٸلٸ «ماناس» جىرىنان ٷزٸندٸ ورىنداۋى بولدى. سونداي-اق تانىمال ەپيك جىرشى, قىزىلوردالىق بەرٸك جٷسٸپوۆ تە ٶز ٶنەرٸن كٶرسەتتٸ.
«مٸنە, بيىل تەۋەلسٸزدٸكتٸڭ 30 جىلدىعىن كەڭٸنەن اتاپ ٶتۋدەمٸز. ازاتتىققا قول جەتكٸزۋٸمٸزگە جەلتوقسان وقيعاسىنا قاتىسقان جاستاردىڭ ٷلەسٸ ۇشان-تەڭٸز. اقيىق اقىن جۇبان مولداعاليەۆ جازۋشىلار وداعىندا ٶتكەن, كولبين قاتىسقان جيىندا «مۇنداي ماسقارانى, مۇنداي قورلىقتى كٶرگەنٸمشە, مايدان دالاسىندا قالۋىم كەرەك ەدٸ», دەپ جاستارعا اراشا تٷسٸپ, باتىرلىق تانىتتى. سول جەلتوقساندا ەرلٸكپەن قازا تاپقان قايرات, سەبيرالارعا قازاقستاندا عانا ەمەس, بۇرىنعى وداقتاس رەسپۋبليكالاردا ەسكەرتكٸش ورناتۋعا بولادى. ٶيتكەنٸ جەلتوقسان وقيعاسى وداق كٶلەمٸندەگٸ كەيٸنگٸ تولقۋلارعا, ياعني تەۋەلسٸزدٸككە جول اشتى», دەدٸ ٶز سٶزٸندە قازىلار القاسىنىڭ تٶراعاسى, قازاقستاننىڭ ەڭبەك ەرٸ, كسرو جەنە قازاقستاننىڭ حالىق ەرتٸسٸ اسانەلٸ ەشٸموۆ.
قازىلار القاسىنىڭ شەشٸمٸمەن جەنە ۇيىمداستىرۋشىلاردىڭ ۇسىنىسىمەن بارلىق قاتىسۋشىلارعا 500 مىڭ تەڭگە كٶلەمٸندە اقشالاي سىيلىق جەنە سىرىم داتۇلى اتىنداعى تٶسبەلگٸ تابىس ەتٸلدٸ.
ايتىس بارىسىندا بٸرقاتار جەرگٸلٸكتٸ اقىندار قر مەدەنيەت جەنە سپورت مينيسترٸ اقتوتى رايىمقۇلوۆانىڭ العىسحاتىمەن ماراپاتتالدى. سونداي-اق ايتىستىڭ تۋىن كٶتەرٸپ جٷرگەن باتىسقازاقستاندىق اقىن, قازاقستان جازۋشىلار وداعى بقو فيليالىنىڭ تٶراعاسى باۋىرجان حاليوللاعا دا قۇرمەت كٶرسەتٸلدٸ.
